Ŋwàʼlè ə̀ Pɔ̂l sê ghɨə Lûmghè 15:31 - Ŋwàʼlè ə̀ Fèzhə̀ Mkâyn Mə̂ Fèm

³¹ Ghàyn e tsə̂mə̀ nə Zhə̀fè ə tɔ̂ʼnə̀ è mi kə ghɨ Njòndyâ ghɛ ə ghe ke va Zhə̀fè nə tàʼa fo ètsôs sê mi. Ghàyn tsəm kepî nə Zhə̀fè nəyn, ə ghɨ afɨfə ə fètə̂ ə̀ghɨ̀ ə Fezhə̀ghè ə Njèlusalɛ̀m fi tsâmtè zɛ m ndûə è zəyn sê ghənə.

Ŋwàʼlè ə̀ Pɔ̂l sê ghɨə Lûmghè 15:31 ပူးပေါင်းရင်းမြစ်များ

Ətefɨ̂aʼ 22:24

Tuə sesôkə̀ʼ nə kɛ ə tsɛ̀sə̀ àlâŋ sè ghɨə vəynghe nə ə nji nji è Pɔ̂l əfètəyn mbàyn ə pus vəyn nâʼà àchûŋ kə è tsayn nə ghɨ Njûsə̀ tè puʼlə m̀pɔ̂ŋ kûmə̀ vəyn nyi kûmə̀ ghè ə.

Ətefɨ̂aʼ 25:2

Fumə Njèlusalɛ̀m ghɨkɔʼsə nə eshyə̀ e ghɨə Njûs ghɨ chisəghe tè pəyn ə və shi ə tsà èghɛ zɛ ə ghənə piə nə Pɔ̂l nə̀yn pofsê ndò. Ghənə e chyatə̂ Festùs

Ətefɨ̂aʼ 25:24

Festùs ə piə nə, “Fɔ̀yn Àngɨ̀lipà, è ghɨghe əkɨ̂m ghɛ ə ghe nyi fâyn, ghàyn ə fe wùə vɨnə! Ə̀ vɨ̀nə nyi wùə vɛ ə ghɨ Njûsghè əkɨ̂m ghɛ ə ghe nyi ə Njèlusalɛ̀m è ghɛ ə ghe nyi ə Kàsalyà tè pi nə è və nə̀yn pofsê, puʼə m̀pɔ̂ŋ pîə nə è kyi va se fɨnə ndam.

Ətefɨ̂aʼ 9:13

Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 15:25

Zôyn nyi, m ndùə ə Njèlusalɛ̀m se tsàmtè əghɨ ə Fezhə̀ fu.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

2 Kolìŋ 1:10

È və tè sɔ̀zâ ghàs ə kwuze cho, nyi se tə fɨnə sɔza ghàs, ghàs e nyi mə ə ndə̀m kwaʼtè zas zekɨ̂m ə Vəyn ewìyn nə È tə pa sɔza kəndò ghàs

2 Kolìŋ 8:4

fo zâ chyatə̂ ghàs nə ghàs fo zhəmke, ə ghənə fo ə pɔŋ tsâmtè ə̀ghɨə Fezhə̀ ghɛ ə ghe ndamə ə Njòndyâ.

2 Kolìŋ 9:1

M ke nə m fə fɨyn kyi va se nyaʼ sê ghàyn kûmə̀ ètsâmtè zɛ ə ghàyn kyi se tom sê ghɨə Fezhə̀ ghè ə Njòndyâ,

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

1 Tèsàlonikà 2:15

ghɨ Njûs nə ghɨnə ə tə zhwi Pɛ̂pɛ Njisə̀s, è fɨ̀aʼtèsè ə tsə̀fsə̀ kəpi ghàs. Ghənə nə̂ nə Zhə̀fè ə nyɔʼsə̀ ètɔŋ ashìŋə̀ kɛ ə ghənə nə̂ nyiəmə! tɔŋ ə Fezhə̀ və zafə, fɨnə nə̂ nə nâʼàpî ndè ə nyi pàyn ə ghənə!

2 Tèsàlonikà 3:2

Ghàyn tsəm kepî nə Zhə̀fè fɨse ghàs ə gho ghɨ ghɛ ə ghe ngɛse kyi ə̀təm ə pighe, kûmə̀ nə ə̀ vachi ə̀ghɨ ə̀kɨ̂m ə ghe pomə.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.