Ŋwàʼlè ə̀ Pɔ̂l sê ghɨə Lûmghè 15:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

Ŋwàʼlè ə̀ Pɔ̂l sê ghɨə Lûmghè 15:26 ပူးပေါင်းရင်းမြစ်များ

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 26:11

Ghàyn nə kyi tsɛ ke ndò ghɨ afɨf ghə ghàyn əfètəyn, pîza m va se faŋ ghâsènì sə teshɨ̀ŋə̀ tèkɨ̂m.

Tom èchùŋ kè kə Lûk tè nyaʼ 14:13

Ə ò kyi ghɛe ezhize, o pɨlə ndâmnə̀ əghɨ afɨfə è ghə̀ kèngɛchi è m̀ngə̂s è fòfvè.

Tom èchùŋ kè kə Lûk tè nyaʼ 6:20

È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

Ətefɨ̂aʼ 16:12

Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 16:9

Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 18:12

Ə tè nyì kə ə ndə̂m Ngalyò nə è və saʼa àpâs endaʼ kɛ ə tè tɔŋtə nə Àkayà, ghɨ Njûs yîghe fumə ə zùŋtə̀ ə kyîə Pɔ̂l ə ndùə è vəyn elùʼ əsaʼ

Ətefɨ̂aʼ 19:21

Ə tè nyi kə ghɛ nə ghɨnə kyàyn kɔʼ pə̂yn, Zuʼ se Ŋwaʼase ə nə̀, Pɔ̂l ə ndə̀mə̀ nə zhi ndùə apàs endaʼ kɛ ə tè tɔŋtə nə Màsèndonyà ə fɨnə tsɛ̂ ndùə apàs ə Àkayà ə ndùə tânə̀ ə Njèlusalɛ̀m. È və tə ndə̀m nə zhi ndamtə fu ə zhi tsɛ ndu ə Lûm.

Ətefɨ̂aʼ 9:13

Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

1 Kɔlìŋ 16:5

M tə tsɛ̂ èndom ə Màsèndonyà tsɔ̀fə m se pə̂ mòtə ghàyn.

2 Kolìŋ 1:16

Kûmə̀ nə mə pɨaʼtê se mòtə ghàyn ezhoghɛ m tsɛ̂ ndûə ə Màsèndonyà è kɨsè ezhoghɛ m pə̂, endom kə ghàyn tsamte mi m fɛte kwi ndu ə Njòndyâ.

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 7:5

Ə̀ tè nyì pî kə ghàs ndù fɨ ə Màsèndonyà, ghàs tè paʼà kyî zɨ̀tèkè. Tsôstè tè nyiə nyi luʼte kɨ̂m, ghɨə mɔ̀ʼɔ ghe zɔ̂, fâynze nyi kepî ə ghàs ətəm.

2 Kolìŋ 9:12

kûmə̀ nə fo nə zɨ̂nə̀ ə ghàyn fo tsâmtə̀ kə va ghɨə Fezhə̀. E nə̂ nə ghənə ə fo kəpi àzɔ̀ŋnè sê Zhə̀fè, nâʼà sə ŋaŋ.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

2 Kolìŋ 9:4

Ə ze fɨ nə ghâsè ghə̀ ghɨ Màsèndonyà pə̀ əmɔʼ, ghənə ə pə̀ ndɔ̀ʼɔ ghàyn pɨaʼte, ə ghàs ə ghomə̂ kûmə̀ ə̀ghɛ ghɛ ə ghàs tè pi kûmə̀ ghàyn, ə ghàyn ə pɔŋɔ ghomə nâʼà sə ŋaŋ.

Filìpây 4:15

Ghàyn ghɨ ə Filìpâyghè, ghàyn nyiə fɛte ke nə shîŋə̀ kɛ m tè zhə̀te se ndàʼa tom èchùŋ mə m ndo pə̂yn ə Masèndonyà, ə̀ tè nyi ghàyn ghɨə Fezhə̀ ə shighe se tsàmtə mi. Ə̀ nyeʼe nyi ke ghàyn kə tè tsàmte mi.

1 Tèsàlonikà 1:7

Kûmə̀ nyi, ghànə kə̀mnə̀ nyi kə chwìə sê ghɨ e poməghe əkɨ̂m ə Màsèndonyà è Àkayà.

1 Tèsàlonikà 1:8

Ghàyn tè paʼà ndàʼà ke tom ə̀ Pɛ̂pɛ ə Màsèndonyà è Àkayà, pîza tom kûmə̀ èndom vɛ ə ghàyn samse Zhə̀fè ə tə waŋ ke luʼ tekɨ̂m, nyiəmə, ghɛ zhîze tè fɨyn va ə ghàs tè kàʼa pi.

1 Tèsàlonikà 4:10

Səmɔʼ ghàyn ə tyə̀yn kɔ̂ŋ nə zɨ̂yn sê ghɔ Fezhə̀ghè əkɨ̂m endaʼ ə Màsèndonyàzè, pîza ghàs e pa chyatə̂ kə ndò ghàyn ə ghɔnyì ghasə nə, ghàyn ə kɔ̂ŋə̀ tsɛ̂ zamə.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

Filemùyn 1:5

M nə̂ nyi kûmə̀ nə mə zɨ ndom vɛ ə ò kyi kyî epomə̂zè sê Pɛ̂pɛ ə̀ ghâsènì Njisə̀s, fɨnə kɔ̀ŋɔ̀ əghɨə Fezhə̀ nâʼà ə̀kɨ̂m.