Ŋwàʼlè ə̀ Pɔ̂l sê ghɨə Lûmghè 15:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

Ŋwàʼlè ə̀ Pɔ̂l sê ghɨə Lûmghè 15:18 ပူးပေါင်းရင်းမြစ်များ

Matyò 25:16

Wùə èfɨaʼa vɛ ə è tè fi kam setâyn ə ndə̀mə̀ ndzɨsə̂ èkɛ vəynve elùʼ epəʼləve ə kyiə kwəynsə̂ sèkam sə mɔ̀ʼɔ setâyn.

Ŋwàʼlè ə̀ Mâk 16:20

Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 15:4

Ə pə̀ kə Pɔ̂l yî Pànapàs ndù fɨ ə Njèlusalɛ̀m, ghɨ ə ndɛ ə̀ Fezhə̀ ghɛ ə ghe tè nyì fu, è ghɨətom ə Njisə̀sghè, è ghɨə chisəghe ə ndɛ ə̀ Fèzhə̀ ə fiə ndzɨsə̂ ghənə. Pɔ̂l yî Pànapàs ə tsà sê ghɨə təynghe nâʼà pî ghè vɛ ə Zhə̀fè tè nyi mə Fe nə̀yn tɔynə̂ ə ghənə.

Ətefɨ̂aʼ 21:19

Pɔ̂l ə tɔŋtə̂ ghənə ə tsà nâʼà ə̀ghɛ ə̀kɨ̂m kə Zhə̀fè nə̀yn sê ghɨ ghɛ ə̀ vachi ə̀ghɨ ə Njûsghè tɔynə̂ ə vəyn efɨ̀aʼ.

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

2 Kolìŋ 11:31

Pɨ̀a Pɛ̂pɛ Njisə̀s, ə Fezhə̀ fɛ ə kyi sə̂ kɔʼsə̂ shîŋə̀ tekɨ̂m nyiə ke nə m wamə va.

2 Kolìŋ 12:6

Ə m pfɨ̂nə̀ pî ngàŋtèkè kûmə̀ ngɨŋ zɨm, ə mə pfɨ̂nə̀ va kə ango kûmə̀ nə m nə pîə kə èghɛ zɛ ə ze nyi səmɔʼ. Pîza m nə̀ pfɨnə̀ va ngàŋtèkè kûmə̀ nə m kɔŋə̀ va nə ghàyn ə kwaʼtə̀ nə m nyiə kɔʼnə̂ tsɛ̂ èndom vɛ ə ghàyn kwàʼtə̀ ashìŋə̀ kɛ ə ghàyn fe fɨ̂aʼ kɛ ə m nə̂yn ə zɨə èghɛ zɛ ə m pîə.

2 Kolìŋ 3:5

Ghɛ zhîze va ə ghàs endam ə ze kaʼa ə ze nəyn nə ghàs ə kwaʼtə̀ nə ghàs kɔʼɔ kwəynə̂ ndò se nə̀yn efɨ̂aʼ zɨ̀nə̀, ə̀ nyi Fezhə̀ ə fe nə̂ nə ghàs ə kɔʼɔ kwəynə̂ se nə̀yn efɨaʼ ətəynze.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 2:8

Tyaʼa Fezhə̀ kɛ ə ke tè fɨ̀aʼa ə Pità se nə̀yn nə è və nyi wùətom sê ghɨ Njûsə̀ nyì kepî kəynke ə ke fɨaʼà ə mi se nə̀yn nə mə nyi wùətom sê ghɨ ghɛ ə̀ va ə ghɨ ə Njûsə̀.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

2 Tèsàlonikà 2:17

Fe nə̀ nə̂ ə ghàyn ə kyi ə̀təm ə tɛ è tyaʼa sə̂ nə̂ fɨnə wâmnə̀ kə ə̀ghɛ ə chûŋghè shîŋə̀ tekɨ̂m.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

Njût 1:9

Pi Maykèl kə è tè nyi atu ə sètsìkè tè pâʼà mɔ̀msè se pì è tyaʼ ə vəyn kə ngɨŋke sê ndə̂plè nə è zə nə̀yn pi kə yî zə̂yn tè kyi saʼne kûmə̀ èpfɨyn ə Mosîsè. È tè pɨl pi kə sê zə̂yn nə, “Pɛ̂ Zhə̀fè nə̂ zɔ̂ sê ghò.”