Ŋwàʼlè ə̀ Pɔ̂l sê ghɨə Lûmghè 15:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghɔnyì ghɨmə, nâʼà mi è ngɨŋ zɨ̂mè ke ndô nə ghàyn kyi ndô təm ə chûŋghè se nə̀yn efɨaʼ zɛ ə Zhə̀fè kyiŋə nə ghàyn nəyn, ke ə̀ghɛ ə̀kɨ̂m, nyi kàʼa zaʼle ngɨŋ saynse.

Ŋwàʼlè ə̀ Pɔ̂l sê ghɨə Lûmghè 15:14 ပူးပေါင်းရင်းမြစ်များ

1 Kɔlìŋ 1:5

Kûmə̀ nə ghàyn nyì sə afɨa àmɔ̀ʼ e Klâys, ghàyn ə kyi fɨa echûŋvè ekɨ̂m, fɛtê ke se ndàʼa tom ə̀ Fezhə̀, fɨyn kyi ètɔf èkɨ̂m.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

1 Kɔlìŋ 8:10

Ò ke nə ə wùə mə è vayn kaʼa è nji chɔʼnêzè eghɛ zɛ ə nyi eghɛ echûŋzè è ghɛ zɛ ə va eghɛ echûŋzè fe ghò è tɔf zɛ ò kyi, ò tsɨs ə ndɛ àfɨ̂aʼsè zhiə, ə ze chiynte vəyn nə è zhi fɨazhiə vɛ ə nyi mə ə màʼtè sə eshyə̀ se fɨ̂aʼsèvè.

1 Kɔlìŋ 8:7

Nâʼàpî zâ, ə̀ vachi ə̀ghɨ əkɨ̂m ə ghe ke ghɛ nə zɨnə̀. Ghɨ yîghe nyi mə ə ketê fɨaʼsè nə vɨ̂yn kə ezhoghɛ ə ghənə zhi fɨazhiə vɛ ə mâʼtè sə eshyə̀ se fɨ̂aʼsèvè, ghənə e kwaʼtə̀ nə fɨazhiə ətəyn nyi mə ə maʼte se shyə̀ se zhə̀ fîfe, zamə ghənə e va eŋwaʼze ə Zhə̀fè əshi kûmə̀ nə ghənə keva se njì echɔʼnê eghɛ zɛ ə̀ nyi eghɛ echûŋzè è ghɛ zɛ ə̀ va eghɛ echûŋzè.

2 Kolìŋ 8:7

Ghàyn nyîə nə̂ àchûŋ ə tendom tèkɨ̂m, mə ghàyn ə fɛte pomə̂, fɛtə̂ wâmnə̀, fɨyn kyi ètɔf nâʼà sə ŋaŋ, kɔ̂ŋə̀ sə̂ tsâmtə̀ ə̀ghɨ nâʼà sə ŋaŋ, fɨnə ndəmə̂ ekɔ̀ŋ zɛ ə ghàs kyi sê ghàyn. Ghàyn fɛtê kyi àfùʼ ə fo nə kɨnə mə.

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

1 Tèsàlonikà 5:11

Kûmə̀ nyî m pìə nə, ghàyn e fo ə̀təm ə tɛ sê ngɨŋ saynse, tsâmtə̀ kəpî sèngɨŋ saynse kè kə ghàyn nə̀ zôyn.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

Filemùyn 1:21

M nyîə ke ke nâʼà nə, kə m nyâʼ ŋwàʼlè zɨ̀nə̀ sê ghò nyi, ò nə̀ nə̂ kə kə pîə, ə ò nəyn tsɛ.

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

Ipilù 6:9

Ghàs wàmnə̀ pî nyî ə soyn sasse, saŋnə̂ kûmə̀ ghàyn, ke nə ə nyì sê ghàyn, əghɛ ghe ə tsɔ̂fə̀ tsɛ̂ nyi kûmə̀ èsɔza zɛ ə ghàyn kyi.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

1 Njɔyn 2:21

M nyâʼà va ghɛ ghɨynə̀ sê ghàyn kûmə̀ nə ghàyn ke va ghɛ zɛ ə ze nyi səmɔʼ, pîza m pɨlə nyâʼà kûmə̀ nə ghàyn nyi ə̀ ke ghəynghe, ke kepî nə kaŋke vayn kàʼa ə ke fɨ pəyn ə tə̂ səmɔʼ.