Ŋwàʼlè ə̀ Pɔ̂l sê ghɨə Lûmghè 15:12 - Ŋwàʼlè ə̀ Fèzhə̀ Mkâyn Mə̂ Fèm

¹² Fɨ̀aʼtè Èsayà ə tə pì kepî kə nyi mə ə nyàʼ nə, “Wùə tə fɨə etɔ̀ŋ ə ndɛ ə Njesì mə è tə pə̂ ə è və kyi àtyaʼ etûə ə̀ghɨ ghɛ ə̀ vachi ə̀ghɨ ə Njûsə̀, ə nyì se vəyn ə ghɨ ghɛ ə vachi ə̀ghɨ ə Njûsghè tə ndə̂mə̀ təm ə ghənə̂ghè əkɨ̂m.”

Ŋwàʼlè ə̀ Pɔ̂l sê ghɨə Lûmghè 15:12 ပူးပေါင်းရင်းမြစ်များ

Matyò 12:21

Ghɨə atum ghəkɨ̂m tə ndəmə̀ kə èkwaʼtè elɨmtə ə ghənə̂zè sê Vəyn.”

1 Kɔlìŋ 15:19

Ghâsènì e sè nyi mə və fo ngɨŋsə ghasènìse sê Klâys nə È tsamte ghâsènì, è nyi se tsàmtè kûmə̀ kə èndam zɛ ghâsènì ndamə ə mbi zôyn, ə zə kwəynə̂ kə ə nə kosə̂ èsəyn sê ghâsènì tsɛ̂ kə ə kosə nâʼàpî se ndè və mɔʼɔ ə mbi.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

Etyə̂yn ə paynsêzè 22:16

“Mi Njisə̀s ə tom tsì zɨ̂mzè nə è ndaʼa ghɛ ghɨ̀nə sê ndɛ sə Fezhə̀sè. M nyi wùə ètɔ̀ŋ ə ndɛ ə Ndàfîtzè, nyi fèlî fe panə fə pɨ̂sə̀ pɨ̂sə̀fè.”

Etyə̂yn ə paynsêzè 5:5

Chəʼ emɔ̀ʼ fumə əfètə̂ sèchəʼ nə sɛ mə ə ke pì sê mi nə, “Kə fɨyn chi, Fekə, pìkəm ètàŋ ə Njondàzè, mə za nyi vâ èsas ə ndɛ ə Ndàfîtzè ə nò zhi sè nyi mə è kàʼa è zhom lɛ ətəynve èsɛ̀mbɛ se zhə̀yn ə ŋwàʼlè èngɛ ə̀təyn.