Ŋwàʼlè ə̀ Pɔ̂l sê ghɨə Lûmghè 15:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 15:1 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 14:2

Pomə əghɨ̀ yîghe zâ ndò nə ghənə zhi nâʼàpi àkè, pîza ghɨ ghɛ ə pomə ghənə̂zè tɛ va, ghənə zhiə kə èmbàs.

Ŋwàʼlè ə̀ Pɔ̂l sê ghɨə Lûmghè 4:20

È tè paʼà mɛnê nə Zhə̀fè nə̀ nə̂ èghɛ zɛ ə fe pî. È və pɨlə pomə ndûə kə Fèzhə̀ èshike, ə fo ètsîtè se Zhə̀fè eghɛ zɛ ə fe tè nyì se nə̀yn.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 2:4

Kə wùə sê ghàyn ə naynə kə sê ghɛ zɛ ə ze kaʼa ə ze pəyn èchùŋ sê vəyn, pîza è ve pɨlə naynə̂ se ghɛ zɛ ə ze kaʼa ə ze pəyn èchùŋ se ghɨə mɔ̀ʼɔghe.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

2 Timotì 2:1

Ə̀ ghô ə vayn vɨ̂mvè Timotì, ò tɛ tɔynə̂ afùʼ kɛ ə ghâsènì kyi sə afɨa àmɔ̀ʼ è Klâys Njisə̀s.

1 Njɔyn 2:14

M nyâʼà əghɛ nə ghɨyn sê ghàyn ə ghɔyn ghɨmə kûmə̀ nə ghàyn nyi mə ə kê Pɨ̀a. M nyâʼà se ghàyn ə pɨ̀aghe kûmə̀ nə ghayn nyi mə ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn nyîə tɛ, ghɛ ə Fezhə̀zè e nyi ə ghàyn ətəm, mə ghàyn ə tɛ tsɛ wùə èpi.