Ŋwàʼlè ə̀ Pɔ̂l sê ghɨə Lûmghè 14:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghɛ zɛ ə ze tè nəyn kə Klâys kwu, ə è zomə, ə è və nyi ètwɔ, nyi kə è və nyi Pɛ̂pɛ se ghɨ ghɛ ə nyi mə ə kwu è ghɛ ə ghe nyi etwɔ.

Ŋwàʼlè ə̀ Pɔ̂l sê ghɨə Lûmghè 14:9 ပူးပေါင်းရင်းမြစ်များ

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Tom èchùŋ kè kə Lûk tè nyaʼ 24:26

Wùə vɛ ə Zhə̀fè chɔʼ ndə̂m tè va se nə fe ngəʼ tsɔ̀fə kə è nji ə vəyn elùʼ epomsə və?”

Njɔyn 12:24

M pîə sê ghàyn səmɔʼ nə, ə tàʼa zho eshi ə ngwàʼ ə̀ sɔ̀f zə chi nə ze kwu, ə ze faŋ ke sə ngwàʼ. Pîza, mə ə zho, ə ze kwu tsɔ̀fə kə e mu shiə sɔ̀f ə tsɨəghe.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 10:42

È və fo sə alàŋ nə ghàs tsayn tom èchùŋ nə zɨ̂yn se tyə̀n səmɔʼ nə È nyi ke nâʼà wùə vɛ ə Zhə̀fè chɔʼ ndə̂m nə È və saʼa ə̀ghɨ ghɛ ə pa ndamə è ghɛ nyi mə kwutê.

Ŋwàʼlè ə̀ Pɔ̂l sê ghɨə Lûmghè 10:9

Ə ò pì ècho zɛze nə, “Njisə̀s nyi Pɛ̂pɛ” ə pomə nə Zhə̀fè ə tə zòmsè vəyn ekwu, ə ò tə sɔ fɨ.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

1 Tèsàlonikà 4:14

Ghâsènì pomə̂ ndò nə Njisə̀s ə tə kwu ə kɛsə̂ zômə̀, fɨnə pomə̂ nə Zhə̀fè tə nə̂ ə ghɨ ghɛ ə tè kwu mə ə pomə se Njisə̀s ə pəyn ə nyi yî ghə̀ Njisə̀s.

1 Tèsàlonikà 5:10

vɛ ə è tè kwu kûmə̀ ghâsènì kə ghâsènì ə nyi kàʼa ndamə è vəyn, kɨ̀sə ghâsènì nyi etwɔ, kɨ̀sə nyi mə ə kwu.

2 Timotì 4:1

Ə Zhə̀fè əshi è Klâys Njisə̀s vɛ ə ghənə tə saʼa ghɨ ghɛ ə ghe ndamə è ghɛ ə ghe nyi mə ghə kwu, è kɨsè nə Klâys pə̀ sə̂ nyi fɔ̀yn sê mbi èkɨ̂m, m pîə se ghò è tyaʼa nə,

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Pità 4:5

Pîza, tuʼve tə pə̂ kə Zhə̀fè saʼ ghɨghe ə̀kɨ̂m, ghe twɔghe è ghe kwutəghe. Ghənə tə tsâ echo ghənə̂zè sê Zhə̀fè, ə fɛ ə fe nyi èpɨaʼtêzè se saʼ əghɨ ghɛ ə ghe nyi etwɔ, è ghɛ ə ghe nyi mə ghə kwu.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.