Ŋwàʼlè ə̀ Pɔ̂l sê ghɨə Lûmghè 14:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə ghâsènì nyi etwɔ, ə nyi mə ghâsènì nyi etwɔ se nə̀yn eghɛ zɛ ə Pɛ̂pɛ kyiŋə nə ghâsènì nəyn. Mə ə ghâsènì kwu, ə nyi mə ə kwu se nə̀yn nə Pɛ̂pɛ ə saŋnə̂. Nyiəmə, kɨ̀sə ghâsènì nyi etwɔ, kɨ̀se ghâsènì nyi mə ə kwu, ghâsènì nyì ke ə Pɛ̂pɛ ə gho.

Ŋwàʼlè ə̀ Pɔ̂l sê ghɨə Lûmghè 14:8 ပူးပေါင်းရင်းမြစ်များ

Tom èchùŋ kè kə Lûk tè nyaʼ 20:38

Zhə̀fè va chi Fèzhə̀ fə ghɨə ekwutəghe, fe nyi Fezhə̀ fə ghɨ̀ ghɛ ə ghe ndamə kûmə̀ nə fe tè nyi Fezhə̀ naʼapi sê ndè, ə wùə nə vɛ nyi mə è və ndam faŋ.”

Njɔyn 21:19

(Njisə̀s tè wàmnə̀ nyi, tyə̂nə̀ èkyì ekwu zɛ ə Pità tə kwuə zəynze, ze pə̂yn èpomsêzè sê Zhə̀fè.) Njisə̀s ə wàmnə̀ nyî, ə fɨnə pîə nə, “Chùmte Mi.”

Ətefɨ̂aʼ 13:36

Ghâsènì ke ndô kə fɔ̀yn Ndàfît tè nyi etwɔ, è tè nyîə fɨaʼà se Zhə̀fè endom vɛ ə Zhə̀fè tè kyiŋə. Epàm ətəyn, è və kwuə, ə pfɨ̀mə̀ vəyn elùʼ vɛ ə tè pfɨ̀mə pɨ̀a ə vəyn ghəshiə, è və fìə.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

Filìpây 2:17

Pîza, ə zhwi pî mi zôyn, ə ndə̂m mɨ̂mè sɨsə kə efo sê Zhə̀fè, kèpî kə ndom vɛ ə ghàyn nyi mə ə kɔʼsê Zhə̀fè ətəyn səmɔʼ nyi efo sê Zhə̀fè. Təm ghɨmə nyîə saŋnə̂, m saŋnə̂ kəpî se ghàyn.

Filìpây 2:30

Ghâsènì kyi sə̂ kɔʼsə̂ vəyn kûmə̀ nə è və tə fo ngɨŋ ə̀ vəyn èkɨ̂m se fɨ̂aʼ se Klâys ə ndɛtə̂ se kwu. È və tə nə̀yn ghɛghe mə è tè kyi va se nə̀yn, se tsàmtə mi se nə̀yn efɨaʼ zɛ ə ghàyn tè vayn kàʼa nəyn.

1 Tèsàlonikà 5:10

vɛ ə è tè kwu kûmə̀ ghâsènì kə ghâsènì ə nyi kàʼa ndamə è vəyn, kɨ̀sə ghâsènì nyi etwɔ, kɨ̀sə nyi mə ə kwu.

Etyə̂yn ə paynsêzè 14:13

Mə fɨnə zɨə kyə̀ kə è pə̀ ekwùtwəyn pìə nə, “Nyàʼ ghɛ zɨ̂nə̀ nyi nə, Se zhə̀tè zôyn nyi se ndù əshi, saŋnêzè nyì nâʼà pî se ndè vɛ ə è kwu mə è chùmtə̀ Pɛ̂pɛ è təm ə vəynghe əkɨ̂m!” Zuʼse Ŋwaʼase ə fɨnə pə̀ynsə̀ kə nə, “Ze nyi səmɔʼ. Ghənə nə̀ zɨ̂tə̀ ə ghənə ə tefɨ̀aʼ kûmə̀ nə Zhə̀fè nə̀ mâʼtə̀ ghənə ə ghənə efɨ̀aʼ.”