Ŋwàʼlè ə̀ Pɔ̂l sê ghɨə Lûmghè 14:23 - Ŋwàʼlè ə̀ Fèzhə̀ Mkâyn Mə̂ Fèm

²³ Pîza, ghɨ ghɛ ə kyi mɛnêzè nə ə kiva se zhi ekyì efɨazhiə vîve, pɨlə zhiə vəynve, nyiəmə, Zhə̀fè nə̀ pîə nə ghənə ə nə̀yn pi kûmə̀ nə ghənə ə njì pomə̂ ə ghənə̂zè se nə̀yn eghɛ zɛ ə ze nyi səmɔʼ. Ə wùə nə̀yn ghɛze mə è mɛnə̂ ndò nə ze nyi achûŋ mə ze va achûŋ ə, ə ze ə nyi nə è və nə̀yn pi.

Ŋwàʼlè ə̀ Pɔ̂l sê ghɨə Lûmghè 14:23 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 13:2

Nâʼàpî ndè vɛ ə è zɨə va se tu ə ghənə̂ ke ndaʼke, e za tyə̀nə̀ nə è kɔʼsə va pɨaʼtə̂ Fezhə̀zè.

Ŋwàʼlè ə̀ Pɔ̂l sê ghɨə Lûmghè 14:5

Ghɨ mɔ̀ʼɔ kwaʼtə̀ nə tuʼ fîfe kɔʼnə̂ tsɛ ndò fə mɔ̀ʼɔfe, yîghe kwâʼtə̀ nə tuʼmè m̀kɨ̂m nyi ke èghɨ. Nâʼàpî èghɛ èkè zɛ ə wùə kwàʼtè, ə è və ke nə ze kwəyn sê vəyn.

1 Kɔlìŋ 8:7

Nâʼàpî zâ, ə̀ vachi ə̀ghɨ əkɨ̂m ə ghe ke ghɛ nə zɨnə̀. Ghɨ yîghe nyi mə ə ketê fɨaʼsè nə vɨ̂yn kə ezhoghɛ ə ghənə zhi fɨazhiə vɛ ə mâʼtè sə eshyə̀ se fɨ̂aʼsèvè, ghənə e kwaʼtə̀ nə fɨazhiə ətəyn nyi mə ə maʼte se shyə̀ se zhə̀ fîfe, zamə ghənə e va eŋwaʼze ə Zhə̀fè əshi kûmə̀ nə ghənə keva se njì echɔʼnê eghɛ zɛ ə̀ nyi eghɛ echûŋzè è ghɛ zɛ ə̀ va eghɛ echûŋzè.

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.