Ŋwàʼlè ə̀ Pɔ̂l sê ghɨə Lûmghè 14:22 - Ŋwàʼlè ə̀ Fèzhə̀ Mkâyn Mə̂ Fèm

²² Nâʼàpî èghɛ èkè zɛ ə ghàyn pomə kûmə̀ ə̀ghɛ nə ghɨ̂yn, ə̀ ke ke ghàyn, ghâynghə̀ Zhə̀fè. Saŋnêzè nyì sê ghɨ ghɛ ə ghe kwaʼtə̀ va nə ə nə̀yn pofsê shîŋə̀ kɛ ə ghənə nə̂yn ghɛ zɛ ə ke nə ze nyi achûŋ!

Ŋwàʼlè ə̀ Pɔ̂l sê ghɨə Lûmghè 14:22 ပူးပေါင်းရင်းမြစ်များ

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ŋwàʼlè ə̀ Pɔ̂l sê ghɨə Lûmghè 14:14

Kə m nyi ghasè Pɛ̂pɛ Njisə̀s sə afɨa àmɔ̀ʼ, e nə̂ ndò nə mə ke nə fɨazhiə vîve va ə ve zo va ə Zhə̀fè əshi, pîza mə wùə pomə nə fɨazhiə vîve nyi ndô ə ve zo kwəynə va ə Zhə̀fè əshi, kə è zhi vəynve.

Ŋwàʼlè ə̀ Pɔ̂l sê ghɨə Lûmghè 14:2

Pomə əghɨ̀ yîghe zâ ndò nə ghənə zhi nâʼàpi àkè, pîza ghɨ ghɛ ə pomə ghənə̂zè tɛ va, ghənə zhiə kə èmbàs.

Ŋwàʼlè ə̀ Pɔ̂l sê ghɨə Lûmghè 14:23

Pîza, ghɨ ghɛ ə kyi mɛnêzè nə ə kiva se zhi ekyì efɨazhiə vîve, pɨlə zhiə vəynve, nyiəmə, Zhə̀fè nə̀ pîə nə ghənə ə nə̀yn pi kûmə̀ nə ghənə ə njì pomə̂ ə ghənə̂zè se nə̀yn eghɛ zɛ ə ze nyi səmɔʼ. Ə wùə nə̀yn ghɛze mə è mɛnə̂ ndò nə ze nyi achûŋ mə ze va achûŋ ə, ə ze ə nyi nə è və nə̀yn pi.

Ŋwàʼlè ə̀ Pɔ̂l sê ghɨə Lûmghè 14:5

Ghɨ mɔ̀ʼɔ kwaʼtə̀ nə tuʼ fîfe kɔʼnə̂ tsɛ ndò fə mɔ̀ʼɔfe, yîghe kwâʼtə̀ nə tuʼmè m̀kɨ̂m nyi ke èghɨ. Nâʼàpî èghɛ èkè zɛ ə wùə kwàʼtè, ə è və ke nə ze kwəyn sê vəyn.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 7:15

M paynse tɔʼ keva ghɛ zɛ ə m nə̂. Ghɛ ghɛ m kyiŋə se nə̀yn, m nə̂ va ghəynghe. Ghɛ ghɛ ə m pâynə̀ ə̀ nyi ghəynghe ə m pɨlə nə̂.

Ŋwàʼlè ə̀ Pɔ̂l sê ghɨə Lûmghè 7:24

Ə̀ nyi ekyì etsòs èkwə̀ ə ve kote mi nyiə! Ə nə̀ fiə za ndè mi fa ewìyn ə wùə m̀sɔ̀ŋ vɛ ə ve pə̂ mi è kwuze nyiə?

1 Kɔlìŋ 8:7

Nâʼàpî zâ, ə̀ vachi ə̀ghɨ əkɨ̂m ə ghe ke ghɛ nə zɨnə̀. Ghɨ yîghe nyi mə ə ketê fɨaʼsè nə vɨ̂yn kə ezhoghɛ ə ghənə zhi fɨazhiə vɛ ə mâʼtè sə eshyə̀ se fɨ̂aʼsèvè, ghənə e kwaʼtə̀ nə fɨazhiə ətəyn nyi mə ə maʼte se shyə̀ se zhə̀ fîfe, zamə ghənə e va eŋwaʼze ə Zhə̀fè əshi kûmə̀ nə ghənə keva se njì echɔʼnê eghɛ zɛ ə̀ nyi eghɛ echûŋzè è ghɛ zɛ ə̀ va eghɛ echûŋzè.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

Ngàleshyà 6:1

Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.

Njə̂m 3:13

Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.

1 Njɔyn 3:21

Ghɔnyì ghɨmə, ə təm ə ghasènìghe saʼa va ghâsènì, kə ghâsènì nə fayn se tyə̂m ə Zhə̀fè əshi shîŋə̀ kɛ ə tsə̂mə̀.