Ŋwàʼlè ə̀ Pɔ̂l sê ghɨə Lûmghè 14:2 - Ŋwàʼlè ə̀ Fèzhə̀ Mkâyn Mə̂ Fèm

² Pomə əghɨ̀ yîghe zâ ndò nə ghənə zhi nâʼàpi àkè, pîza ghɨ ghɛ ə pomə ghənə̂zè tɛ va, ghənə zhiə kə èmbàs.

Ŋwàʼlè ə̀ Pɔ̂l sê ghɨə Lûmghè 14:2 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 14:14

Kə m nyi ghasè Pɛ̂pɛ Njisə̀s sə afɨa àmɔ̀ʼ, e nə̂ ndò nə mə ke nə fɨazhiə vîve va ə ve zo va ə Zhə̀fè əshi, pîza mə wùə pomə nə fɨazhiə vîve nyi ndô ə ve zo kwəynə va ə Zhə̀fè əshi, kə è zhi vəynve.

Ŋwàʼlè ə̀ Pɔ̂l sê ghɨə Lûmghè 14:20

Kə fɨazhiəve nəyn ə ghàyn pofse fɨ̂aʼ ə Fezhə̀zè. Fɨa e zhiəve kɨ̂m zo ndò ə Zhə̀fè əshi, pîza e tsɔ̂fə̀ va nə wùə zhi fɨa kɛ ə ke nə nə̂ nə wùə mɔʼɔ pfɨ əfètə̂ pi.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

1 Kɔlìŋ 10:25

Ghàyn kàʼa ə ghàyn kwɨl nâʼàpî nyàm èkè zɛ ə pəʼlə apàʼ ə nyâmkè mə ə paʼà pfɨf pfɨfze se chwìtè nə təm ghaynghe nyîə saʼa ghàyn,

1 Kɔlìŋ 8:9

Ghàyn tɔʼne, kə ndom vɛ ə ghàyn nə̀ ghɛ ə chûŋghè ətəyn kə ghɨ ə pomə nəyn ə ghɨ ghɛ ə pɔylə ə ghənə epomə̂ pfɨ ə pi.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

Ngàleshyà 2:12

Tsɔ̀fə kə ghɨ mɔ̀ʼɔ ndo sê Njə̂m ə pəyn fu, Pità tè nyîə zhiə yî ghə̀ ghɨ ghɛ ə tè vachi ə̀ghɨ ə Njûsghè. Pîza ə pə̀ kə ghɨ ə təynghe pə̂yn, Pità ə zhə̀tə̀ sè kɔ̂ytə̀ ndùə kə epàm ə ghaŋə ə̀ghɛ ə tàʼa fɨnə zhi yîghə̀ ghɨ ghɛ ə̀ tè vachi ə̀ghɨ ə Njûsghè kûmə̀ nə è tè fànə əghɨ nə ghɨ̂yn ə tè pìə nə, ə kyi sə̂ se ənam əghɨ̀ ghɛ ə̀ tè vachi ə̀ghɨ Njûsghè, nyi mə pomə̂.

1 Timotì 4:4

Nâʼàpî ghè vɛ ə Zhə̀fè fɛte nyi achûŋ. Ghɨə kyi va sə̂ kwiynsə̂ nâʼà afɨa àmɔ̀ʼ, shîŋə̀ kɛ ghənə piə fiə ndò, ə tsə̂mə̀ ə fo àzɔ̀ŋnè sê Zhə̀fè.

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.