Ŋwàʼlè ə̀ Pɔ̂l sê ghɨə Lûmghè 14:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Kə ghâsènì ə fɨnə saʼa ghɨə mɔ̀ʼɔghe. Ghàyn pɨl saynê se tə tàʼa nə̀yn eghɛ zhîze mə ze kaʼa ə ze nəyn ə wùə tɨm gholke ə è pfɨ ə pi.

Ŋwàʼlè ə̀ Pɔ̂l sê ghɨə Lûmghè 14:13 ပူးပေါင်းရင်းမြစ်များ

Matyò 16:23

Njisə̀s ə kə̀mnə̀ ə pìə sê Pità nə, “Ndò ə Mì ekyàʼ ə ndə̂plè! Ò tàmtə̀ Mi nə kə M nəyn kwaʼtè ə Fezhə̀zè kûmə̀ ghè? Kûmə̀ nə kwâʼtè zɛ nə zɨ̂yn pâʼà ndò se Zhə̀fè, pîza sê wùə m̀sɔ̀ŋ.”

Matyò 18:7

Ngəʼ èghaʼâ nyì sê mbi kûmə̀ tèmɔ̂m tɛ ə te nə̂ nə ghɨghə nə̂ pi. Mɔ̂mtè kyi se pə̀yn, pîza ngəʼ èghaʼâ nyì sê wùə vɛ ə è nə̀ nə̂ nə wùə nəyn pi.

Matyò 7:1

Kə ghàyn ə saʼa ghɨ mɔ̀ʼɔ, kə Zhə̀fè tə tàʼa saʼa ghàyn.

Tom èchùŋ kè kə Lûk tè nyaʼ 12:57

Pɔ̀m ghè ə ghàyn fe kê va sə̂ ghàyn ngɨŋ nə ghàyn kyi sə̂ nə̂ eghɛ èchûŋ èkè e?

Tom èchùŋ kè kə Lûk tè nyaʼ 17:2

E kàʼa ə ze ə tsɔ̂fə̀ nə ə kolə chize ə vəyn emì, ə ndù màʼa vəyn ə enjwì ə fengwaŋve tsɛ̂ kə è nə̀yn ə ghɔyn femɔ̀ʼ əfètə̂ ə̀ ghɔyn ghɨyn nə̀yn pi.

Ŋwàʼlè ə̀ Pɔ̂l sê ghɨə Lûmghè 11:9

Ndàfît ə tè pì nə, “Zhi tsə̂mə̀ nə, ò nəyn ə fɨa vɛ ə ve nə̂ nə ghənə ə saŋnə̂, ə nyi kə atam, ə zhiə ghənə̂vè kɛse sə atam sê ghənə. M tsə̂mə̀ nə ghənə pfɨ, ə Zhə̀fè pɔynse ghənə ətə̂ ə̀ghɛ ghɛ ə ghənə nə̂.

Ŋwàʼlè ə̀ Pɔ̂l sê ghɨə Lûmghè 14:10

Ghàyn ghɛ ə ghàyn zhiə kə mbàszè, kûmə̀ ghè ə ghàyn tsɛsə̀ saʼze əghɨ mɔ̀ʼɔghe ə tuə? Ghàyn ghɛ ə ghàyn zhiə nâʼàpî ghè, kûmə̀ ghè ə ghàyn chìynə̀ ghɨə mɔ̀ʼɔghe ə? Nâʼà ghâsènì əkɨ̂m tə tyəmə̂ ə Zhə̀fè əshi, ə fe saʼ ghâsènì.

Ŋwàʼlè ə̀ Pɔ̂l sê ghɨə Lûmghè 14:3

Ghɨ ghɛ ə zhiə nâʼàpî ghè kiva se chìynə̀ ə ghɨ ghɛ ə pamə fɨa ə mɔ̀ʼɔve. Kə ghɨ ghɛ ə pamə fɨa vîve, saʼ ghɨ ghɛ ə ghe zhiə fɨave ekɨ̂m kûmə̀ nə ghənə əkɨ̂m nyi chichi ə Zhə̀fè ə shi.

Ŋwàʼlè ə̀ Pɔ̂l sê ghɨə Lûmghè 14:4

Ò nyì nâʼà ndè sə̂ saʼa wùə èfɨ̀aʼa ə wùə ə ndò ə? Ə̀ kyi ke Pɛ̀ èfɨaʼ se pì nə ghɛ zɛ ə è nə̀yn pofə ndò, kɨ̀sə ze tsɔ̂fə̀ ndò. Pîza tyaʼa ə Pɛ̂pɛ ke nə̀ tsâmtə̀ wùə èfɨ̀aʼ nə è nəyn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 11:13

Ghàyn kwaʼte è ngɨŋ saynse nə ze tsɔ̂fə̀ ndò se wùzhɔyn nə è və tsə̂mə̀ ndɔ̀ʼɔ è kɨl fɨake ə və atu mə ze tsɔ̂fə̀ va.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

2 Kolìŋ 6:3

Ghàs kɔ̂ŋɔ̀ va nə wùə vîvè pofse fɨ̂aʼ kaske. Ə̀ za nyi eghɛ zɛ ə ghàs nə̀ va ghɛze kə ze kaʼa ə ze nəyn ə wùə nyɔʼse tɔŋve.

Filìpây 1:10

M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

Njə̂m 2:4

piə zɨnə mə tyə̂nə̀ nə ghàyn nyîə kɔ̂ŋə̀ ə̀ghɨ əmɔ̀ʼɔghe ə ghàyn əfètəyn tsɛ̂ yîghe ə? mə ghɛ zɛ ə ze nə̂ nə ghàyn ə nə̂ nyiəmə nyi pi.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

1 Njɔyn 2:10

Pîza mə ə kɔ̂ŋɔ̀ pîndè ànyìə vəyn, ə ze ə tyə̂nə̀ nə è ndamə epayn, ghɛ zhîze va ə vəyn endam se nə̀yn nə wùə pfɨ əfètə̂ pi.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.