Ŋwàʼlè ə̀ Pɔ̂l sê ghɨə Lûmghè 14:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ghàyn ghɛ ə ghàyn zhiə kə mbàszè, kûmə̀ ghè ə ghàyn tsɛsə̀ saʼze əghɨ mɔ̀ʼɔghe ə tuə? Ghàyn ghɛ ə ghàyn zhiə nâʼàpî ghè, kûmə̀ ghè ə ghàyn chìynə̀ ghɨə mɔ̀ʼɔghe ə? Nâʼà ghâsènì əkɨ̂m tə tyəmə̂ ə Zhə̀fè əshi, ə fe saʼ ghâsènì.

Ŋwàʼlè ə̀ Pɔ̂l sê ghɨə Lûmghè 14:10 ပူးပေါင်းရင်းမြစ်များ

Matyò 7:1

Kə ghàyn ə saʼa ghɨ mɔ̀ʼɔ, kə Zhə̀fè tə tàʼa saʼa ghàyn.

Tom èchùŋ kè kə Lûk tè nyaʼ 18:9

È və fɨnə mɛ̀ ngàyn zhizè sê ghənə ghəmɔ̀ʼɔ ghɛ ə ghe tè fe kə ngɨŋ sə ghənə̂sè tə nyi tyəm chichi, ghɨə mɔʼɔ ghe e tyəm va, ə piə nə,

Tom èchùŋ kè kə Lûk tè nyaʼ 23:11

Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t.

Njɔyn 5:22

Kèpî famə endom, Pɨ̀a saʼa kəpî va wùə. È və fo tyaʼa sê Vâ Vəyn nə È və saʼa ə̀ghɨ.

Ətefɨ̂aʼ 10:42

È və fo sə alàŋ nə ghàs tsayn tom èchùŋ nə zɨ̂yn se tyə̀n səmɔʼ nə È nyi ke nâʼà wùə vɛ ə Zhə̀fè chɔʼ ndə̂m nə È və saʼa ə̀ghɨ ghɛ ə pa ndamə è ghɛ nyi mə kwutê.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 4:11

Njisə̀s nə vɨ̂yn tè nyi wùə vɛ ə Ŋwàʼlè ə̀ Fèzhə̀ tè pìə ghɛ ghɨnə kûmə̀ Vəyn nə: ‹Chi zɛ ə ghɨ pomə tè làŋ mâʼà, zə kɛse sə èchi epòlə̀ ə ndɛze.›

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.