Ŋwàʼlè ə̀ Pɔ̂l sê ghɨə Lûmghè 14:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 14:1 ပူးပေါင်းရင်းမြစ်များ

Matyò 12:20

È tə kəmə va Sɛfe mə fə ngɨmə̂, è tə ndɨmə va lâm ashîŋə̀ kɛ è kyiŋə se ndɨmə̂ È tə nə̀ zɨnə mə se zaʼâ kə ghɛ echûŋə̀ ghə nyi ghɛ ə ghe chisə.

Matyò 14:31

Kè sə ashìŋə̀, Njisə̀s ə nɛ̀sə̀ àgho ə kyiə vəyn ə pfɨfə sê vəyn nə, “Pomə zɛze tətə̂ ghè nyiə, Ə̀ nəyn ghɛ kə təm ghe ghə tə chyasə ə?”

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Ŋwàʼlè ə̀ Mâk 7:19

“E nyi nyî kûmə̀ nə ə fɨake nji ə vəyn ewìyn, ə ke tàʼa ndù ə vəyn ətəm, ə ke nji ə tàʼa ndùə ə vəyn endwɔ̀ ə ke kɛse tsɛ fɨ ke ndò.” (Njisə̀s tè wàmne nyi se tyə̀yn nə nâʼà èfɨa zhiəve kɨ̂m nə̂ zo kwənə̂ se zhi.)

Tom èchùŋ kè kə Lûk tè nyaʼ 17:2

E kàʼa ə ze ə tsɔ̂fə̀ nə ə kolə chize ə vəyn emì, ə ndù màʼa vəyn ə enjwì ə fengwaŋve tsɛ̂ kə è nə̀yn ə ghɔyn femɔ̀ʼ əfètə̂ ə̀ ghɔyn ghɨyn nə̀yn pi.

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Ətefɨ̂aʼ 28:2

Ghɨ endaʼ ətəyn ghɛ ə ghàs tè kote ə tsâmtə̀ ghàs. Gholze ə zhə̀tə̀ se tso, fofke e kwɨlə ghàs, nyiəmə, ghənə ə fɛtə̂ èwus nə ghàs zɨte, nə̀ pə̀yn achûŋ sê ghàs.

Ŋwàʼlè ə̀ Pɔ̂l sê ghɨə Lûmghè 11:15

Ə̀ tè nyi kə Zhə̀fè tə ghɨ ə Njûsghè, ze ə nə̀ nə è ko soynve yighə̀ ghɨghe əkɨ̂m ə mbi. E nə̀ nə̂ ə ze ə fɨyn nyi zàyn zôyn ezhoghɛ ə Zhə̀fè kɛse njî ghɨə Njûsghè kə ghɨ ə vəynghe ə? E tə nə̂ ə ze ə nyi kə ghɨ ghɛ ə nyi mə ə kwu ə fɨnə zômə̀.

Ŋwàʼlè ə̀ Pɔ̂l sê ghɨə Lûmghè 14:2

Pomə əghɨ̀ yîghe zâ ndò nə ghənə zhi nâʼàpi àkè, pîza ghɨ ghɛ ə pomə ghənə̂zè tɛ va, ghənə zhiə kə èmbàs.

Ŋwàʼlè ə̀ Pɔ̂l sê ghɨə Lûmghè 14:21

Ghɛ zɛ ə ze tsɔ̂fə̀ se nə̀yn nyì sê wùə se tàʼa kwɨlə nyàm, pî se mɨ mlɨ̂, pî se nə̀yn eghɛ zhîze mə ze kaʼa ə ze nəyn ə ànɛ̂ pfɨ ə pi.

Ŋwàʼlè ə̀ Pɔ̂l sê ghɨə Lûmghè 14:3

Ghɨ ghɛ ə zhiə nâʼàpî ghè kiva se chìynə̀ ə ghɨ ghɛ ə pamə fɨa ə mɔ̀ʼɔve. Kə ghɨ ghɛ ə pamə fɨa vîve, saʼ ghɨ ghɛ ə ghe zhiə fɨave ekɨ̂m kûmə̀ nə ghənə əkɨ̂m nyi chichi ə Zhə̀fè ə shi.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 15:7

Ghàyn e fiə ə̀ ghɔnyì ghanə kèpî eghɨ kə Klâys fi ghàyn, wùə èmɔ̀ʼ èmɔ̀ʼ, kə pomsê zə nyi sê Zhə̀fè.

Ŋwàʼlè ə̀ Pɔ̂l sê ghɨə Lûmghè 4:19

Kə Zhə̀fè tè tsayn zɨnə sê Aplàghâm, è tè nyi mə è və zaʼâ pìŋsè ewə̀. È tè ke ndô nə wiyn ə vəyn fɨnə tɛ va, ke kepî nə zhwîə vəyn Sèla nyi akâyn. Pîza pomə ə vəynze ə tàʼa pa ndɨmə̂.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

Filìpây 2:29

Ghàyn fi ke nâʼà vəyn è saŋnêzè kûmə̀ nə è nyi ànyì epomə̂ kè kə ghàyn nyi. Ghàyn e ngɨmnə̂ kəpî ə̀ghɨ kə vəyn.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

Ipilù 5:14

Pîza, wùə vɛ ə è zhiə fɨazhiə e twɔve ə̀ nyi wùə mə è və zaʼlê, ə ghəʼnə̂ sè ke ə̀ghɛ echûŋə̀, ke ghe pighe.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.