Ŋwàʼlè ə̀ Pɔ̂l sê ghɨə Lûmghè 13:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghàyn ndaʼ se tu endaʼve fɨa kɛ ə ghàyn kyi se ndàʼ sê ghənə. Ghàyn maʼ ŋwàʼlè se ghɨ ghɛ ə ghe kyiŋə nə ghàyn maʼ ŋwàʼlè, ə̂ nyi ekɛ se ndàʼ kûmə̀ afɨa kə ghàyn kyi, ghàyn ə ndàʼà. Ghàyn e fo èkɔʼsê se ghɨ ghɛ ə nyi se fo èkɔʼsê se ghənə, è ngɨmnêzè sê ghɨ ghɛ ə nyi se ngɨmnə ghənə.

Ŋwàʼlè ə̀ Pɔ̂l sê ghɨə Lûmghè 13:7 ပူးပေါင်းရင်းမြစ်များ

Matyò 17:25

Pità ə pə̀ynsə̀ nə, “Èn è màʼà ndò.” Ə pə̀ kə Pità njiə ə ndɛ ndɔ̀ʼɔ ə è nyiəm wâmnè, Njisə̀s ə pfɨfə sê vəyn nə, “Ò kwàʼtə̀ nə ghe ə Shimùyn, ə̀ màʼà ndè ngwàʼ kɨ̀sə setaks sê fɔ̂yntə mbitə? Ə ghɨ endaʼa təynghe mə əghɨ etumghə?”

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

Ŋwàʼlè ə̀ Mâk 12:17

Njisə̀s ə ke pì nə, “Ghàyn fo sê Kaysà fɨa kɛ ə̀ kyi Kaysà, ə fo se Zhə̀fè fɨa kɛ ə̀ kyi Fezhə̀.” Wâmnè ə vəynze ə nə̀, choze ə zomə ghənə.

Tom èchùŋ kè kə Lûk tè nyaʼ 20:22

Saʼa e nə̂ pomə̂ nə ghâsènì ə mâʼà tâks sê fɔ̀yn è ghaʼa ə endaʼ ə Lûm mə mə ze pomə̂ va ə?”

Tom èchùŋ kè kə Lûk tè nyaʼ 20:25

Njisə̀s ə se pi nə, “E za nyi nə, ghàyn nə fo kə efɨa ə fɔ̀yn sê fɔ̀yn, fo kə efɨa ə Fezhə̀e sê Zhə̀fè.”

Tom èchùŋ kè kə Lûk tè nyaʼ 23:2

ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”

Ŋwàʼlè ə̀ Pɔ̂l sê ghɨə Lûmghè 12:10

Ə nâʼàpî ndè ə kɔ̂ŋə̀ ànyì ə̀ vəyn è təm ə vəynghe əkɨ̂m. Ə nâʼàpî ndè ə fo èkɔʼsê se ànyì tsɨ̂ə tsɛ̂ kə è fo sê ngɨŋə̂ vəyn.

Ŋwàʼlè ə̀ Pɔ̂l sê ghɨə Lûmghè 13:6

Ə̀ nyì kepî kûmə̀ èghɛ nə zɨnə mə ə ghàyn màʼà ŋwàʼlè, kûmə̀ nə tu endaʼve fɨaʼà sê Zhə̀fè, ezhoghɛ ə ghənə nə̂yn fɨ̂aʼzè endom vɛ ə ghənə fe kyi se nə̀yn.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

Ɛfesùs 6:5

Ghɨ e fɨaʼa, ghàyn e zɨə sê pɛ̀ efɨ̀aʼ ghaynghe, fɛtə ngɨmnə̂ ghənə ètəm ghaynghe ə kɨ̂m. Ghàyn e fɨ̂aʼà kə kə ghàyn fɨaʼà sê Klâys.

1 Timotì 5:13

Ghənə nyiə kwîə laʼsə̀, njiə kə ə ndɛ ə ndɛ, ndə̀mə̀ kôghɔ̀ŋ, njiə ə ghɨghə ghɛ, fɨnə wâmnə̀ ə̀ghɛ mə va eluʼ ə ghənə̂vè sə̂ wâmnə̀.

1 Timotì 5:17

Ə kyi sə̂ kɔʼsə fɨnə ndaʼà zɔmtə̂ sè chəʼ sɛ ə se fɛtə nə̂ fɨ̂aʼ ə ghənə̂zè, paynpayn ghɛ ə ghənə ndâʼà tom fɨnə zaʼlə̂ ə̀ghɨ̀,

1 Timotì 6:1

Ghɨ ghɛ ə ghe fɨaʼà kə ekɔ̂s kyi sə̂ fo èkɔʼsê eghaʼazè sê pɛ̀ efɨ̀aʼ ə ghənə̂ghè, kə wùə vîvè ə vayn kàʼa è wamne ghɛ epize kûmə̀ èzə ə Fezhə̀zè, è zaʼlê ə ghasènìze.

1 Pità 3:7

Ndômnèghè, ghàyn è pɔŋə ndamə è zhwi ghaynghe ke nə ghənə tɛ va kə ghàyn. E za nyi nə, ghàyn kyi sə̂ tɔ̂ʼnə̀ è ghənə kûmə̀ nə Zhə̀fè tə tsɨ̂yntə̀ fo èndam zɛ ə ze tə mîə va kè sê ghàyn ə̀kɨ̂m. Ghàyn e ndamə nyiəmə kə ghàyn ə piə ə tsə̂mə̀ ndò, ghɛze e tâsə̀ va tsə̂m zaynze.