Ŋwàʼlè ə̀ Pɔ̂l sê ghɨə Lûmghè 13:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ŋwàʼlè ə̀ Pɔ̂l sê ghɨə Lûmghè 13:13 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Tom èchùŋ kè kə Lûk tè nyaʼ 16:19

È və wàmnə̀ za ə fɨnə tsâ fèmɛngâyn fife nə, “Wùə èghaʼâ viu tè nyi, maʼà kə sendzɨs sə tefɔ̀yntè, fɨnə zhisə̂ ewiyn ə vəyn kè tuʼmè m̀kɨ̂m.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Ətefɨ̂aʼ 2:15

Ə̀ pâʼà ko lɨ̀m ghɨ ghɨyn kə ghàyn kwàʼtə̀, kûmə̀ nə ə zo pa nyi ke sèchwìə sè poləmɔ̀ʼ pɨ̂sə̀ pɨ̂sə̀.

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

Ngàleshyà 5:19

Ghɛ ghɛ ə njà ewìyn kɔ̂ŋɔ̀ sə̂ nə̂ ghe panə kə ə ndayn. E tyə̂nə̀ fa ə tendom tɨnə nyiə nə, ghɨ ghe nyîŋə̀ è yîghe nâʼàpî zàyn, ndamə tendam teliŋte, ndamə kə sepu,

Ngàleshyà 5:21

kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

Ɛfesùs 5:15

Ghàyn ə tɔ̂ʼnə̀ endom vɛ ə ghàyn ndamə ətəyn. Kə ghàyn nə ndamə kə engô, ghàyn e ndamə kə əghɨ ə tɔfəghe.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Tèsàlonikà 4:12

Ə ghàyn nə̀ nyî ə ghɨ ghɛ ə va əghɨ ə poməghe ə ngɨmnə̂ ghàyn, ə ghàyn ə naynə̂ va sê wùə vîvè.

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

Njût 1:23

Ghàyn shiyn fɨsê ə̀ghɨ ə mɔ̀ʼɔghe ewùs ə ghàyn sɔse ghənə, sê ghɨə mɔ̀ʼɔghe, ghàyn tyəyn kose esəynze mə ghàyn nə̀ zɨnə mə è tɔ̂ʼnèzè kə piə ghɛ ə ghənə̂ ghe pighe nyi mə ghe ə nyùʼ ndzɨsə ghənə̂sè.