Ŋwàʼlè ə̀ Pɔ̂l sê ghɨə Lûmghè 13:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghàyn kyi se nə̂ zɨnə mə kûmə̀ nə shîŋə̀kè ə kwəyn kə ghàyn zəmə. Shîŋə̀ kə kwəyn kə ghàyn ə nyi epɨaʼtêzè, kûmə̀ nə sɔza ə ghasènìze ə paʼsê zôyn, tsɛ̂ kə ze tè nyì sə shi kə ghâsènì tè pomə.

Ŋwàʼlè ə̀ Pɔ̂l sê ghɨə Lûmghè 13:11 ပူးပေါင်းရင်းမြစ်များ

Matyò 16:3

Tuʼve ə pɨsə̂ zo nâʼà è pɨ̂sə̀pɨ̂sə̀, gha pìə nə, ‘Ghole nə̀ tso, kûmə̀ nə wuləke pâŋə̀ ndò fɨnə fɨ̂mə̀.’ Ghàyn kàʼa ə ghàyn sɨŋ kə tuʼe nə̀ nə̂ ə və nyi mə ghàyn naynə̂ àwulə, pîza ghàyn vayn kaʼa ghàyn fe kê ə̀ghɛ ghɛ ə ghe kyânə̀ ndâyn.

Tom èchùŋ kè kə Lûk tè nyaʼ 21:28

Ə ghɛ nə ghɨnə zhə̂tə̀ se kyàyn nâʼà pi ashìŋə̀ àkè, gha ndwisə̀ ètu vayn ə naynə̂ ekwùtwəyn kûmə̀ nə shîŋə̀kè se paʼsə̂ pə̂ kə Zhə̀fè zɔ̀ za ghàyn.” (Matyò 24.32-35; Mâk 13.28-31.)

1 Kɔlìŋ 10:11

Ghɛ nə ghɨnə̀ ə̀kɨ̂m tè kyayn sê ghənə sə fɨ̀as kə ghɨə mɔ̀ʼɔghe fe, ə fɨnə nyâʼà ndəmə̀ ghəynghe kə fɨ̀as se ghâsènì kûmə̀ nə ghâsènì ndamə ashìŋə̀ mə mɨ̀se se nyi ke se pə̀yn.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

Ɛfesùs 5:14

E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”

Njə̂m 5:8

Ghàyn e wəynsə̂ kəpî, fɛtə̂ tɛ ə ghàyn epomə̂ kûmə̀ nə shîŋə̀kè ə paʼsê kə Pɛ̂pɛ kɛse pəyn.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

1 Njɔyn 2:18

Ghɔyn ghɨm ghe kɔ̀ŋə̀, ə̀ zo nyi ə mtuʼ mə èkwùŋsə̂m. Ghàyn ə zɨ nə pàyn sə Klaysè tə pə̂, ghənə setsɨ̀ nyì zôyn mə ə pə̀yn. Zɨnə mə tyə̂nə̀ sê ghâsènì nə tuʼ me kwùŋsə̂ mə pə̀yn.

Etyə̂yn ə paynsêzè 1:3

Pɔsêzè nyì sê wùə vɛ ə è tɔŋə ghɛ ghɛ ə nyi fa ŋwàʼlè. Pɔsêzè e nyi sê ghɨ ghɛ ə ghe zɨte tom zɛ ə è nyì fa ŋwàʼlè əghɛ ghɛ ə ghe tə kyânə ə ndə̀mə̀ èghɛ zɛ ə nyi mə ə nyàʼ famə ə ŋwàʼlè, kûmə̀ nə shîŋə̀kè ə paʼsê kə ghɛ nə ghɨnə mə əkɨ̂m kyayn.

Etyə̂yn ə paynsêzè 22:10

È zə ke pìə sê mi nə, “Kə ò ndəte ghɛ ghɛ nyâʼ fâ ŋwàʼlè nə ghe nə̀ kyânə̀, kûmə̀ nə shîŋə̀kè tɨmsə̂ kə nyi kə ghɛ nə ghɨnə mə kyayn.

Etyə̂yn ə paynsêzè 22:12

Njisə̀s ə pìə nə, “Ghàyn zɨte, m kwûʼə̀ pə̂ kə zôyn! Ə m piə m pə̂ ndò, ə m pəyn èmaʼte zɨmze əgho, ə m maʼte nâʼàpî ndè kè eghɛ zɛ ə è nyi mə è və nə̀yn.

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!