Ŋwàʼlè ə̀ Pɔ̂l sê ghɨə Lûmghè 12:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Ŋwàʼlè ə̀ Pɔ̂l sê ghɨə Lûmghè 12:9 ပူးပေါင်းရင်းမြစ်များ

Matyò 26:49

Njondàs ə pə̀ za ə nànə̀ ndùə kə se Njisə̀s ə tɔŋtə̂ vəyn nə, “Tyə̀ynsè, pɔ̂ynè nyì sê ghò.” Kè sə ashìŋə̀ è və paŋnə vəyn.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

1 Tèsàlonikà 2:3

Chyatê zɛ ə ghàs chyatə ghàyn vachi kûmə̀ ètsas zhîze, è kwaʼtè epize, pî kûmə̀ nə ghàs mɔ̀msə̀ se lə̀ŋtə ghàyn.

1 Tèsàlonikà 5:15

Kə ghàyn nə pomə̂ nə wùə ə ghàyn ə fètəyn nə pə̂ynsè pi è pi, pîza ghàyn e zâŋsə̀ mɔ̂msə̀ sə̂ nə̂ ə̀ghɛ ə chûŋə̀ sê ngɨŋ saynse, è kɨsè se ghɨghe əkɨ̂m.

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

Ipilù 1:9

Ò kɔ̂ŋɔ̀ kə ə̀ghɛ ə chichiə, pânə̀ ə̀ghɛ ə piə. Ə̀ za nyi eghɛ zɛ ə Zhə̀ fɛfe chɔʼ ghô ə fo ghò èsaŋnêzè ə nə̀ nə o kɔʼnə̂ tsɛ̂ nâʼàpî ndè vɛ ghayn ghənə nyi.”

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.