Ŋwàʼlè ə̀ Pɔ̂l sê ghɨə Lûmghè 12:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 12:18 ပူးပေါင်းရင်းမြစ်များ

Matyò 5:24

o zà èmâʼte ətəyn ashi alaŋ efoke. O ndùə chîə sə shi ə nə̀ pɔ̂ynè ghâyn ànɛ̂ nə vɛ, tsɔ̀fə ə ò se pə fo efo zɛ sê Zhə̀fè.

Matyò 5:5

Pɔsêzè nyì sê ghɨ ghɛ ə kyi ngɨmnêzè; ghənə tə kyîə àfɨa kɛ Zhə̀fè tsɨ̀nè.

Matyò 5:9

Pɔsê nyì sê ghɨ ghɛ ə fɨaʼà nə pɔ̂ynè ə nyi, Zhə̀fè tə tɔŋtə̂ ghənə nə ghɔ Və.

Ŋwàʼlè ə̀ Mâk 9:50

Ngwaŋfe nyîə tsɔ̂fə̀, pîza mə ezhoghɛ fe sè fɨnə tɔfə va, ə ò ghayn ghe è fəynfe nə fe ə fɨnə tɔfə? Ghàyn e kyi fèngwaŋ ə ghàyn ewìyn. Nâʼàpî ndè e ndamə èndam ə pɔ̂ynèzè yî ànyìə vəyn.”

Ŋwàʼlè ə̀ Pɔ̂l sê ghɨə Lûmghè 1:15

Kûmə̀ zɨnə mə, wiyn vɨmve nyîə nyûŋnə̀ kəpî nə m ndaʼa tom èchùŋ sê ghàyn ghɛ ə ghàyn ndamə ə Lûm.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 14:19

E za nyi nə ghâsènì kyi sə̂ sô mndyàyn sə nə̂ ə̀ghɛ ghɛ ə ghe pə̂ èpɔ̂ynè, è ghɛ ghɛ ə ghe tsâmtə̀ ghâsènì nə ə fo ə̀təm sê ngɨŋ sə ghasènìse.

1 Kɔlìŋ 7:15

Pîza ə wùə vɛ è tàʼa pomə, è kɔ̂ŋɔ̀ se zà ə ndomə̀ vəyn kɨ̀sə zhwi ə vəyn, è və zà kə ndò. Ə ze kyayn nyì, ə ghɛ ətəynze ə va ə wùə ndomə̀ èpomə kɨ̀sə zhwi èpomə ətu, kûmə̀ nə Zhə̀fè kyiŋə nə ghâsènì ə ndamə è pɔ̂ynè.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ɛfesùs 4:3

Ghàyn momse nâʼà è tyaʼa se faŋə kə afɨa àmɔ̀ʼ kɛ Zuʼse Ŋwaʼase fɛte ghàyn sətəyn tɔynə̂ ə pɔ̂ynè zɛ ə è tsɨ̂yntə̀ ghàyn.

1 Tèsàlonikà 5:13

Ghàyn e ngɨmnə̂ ghənə nâʼà àchûŋ fɨnə kɔ̂ŋɔ̀ ghənə kûmə̀ àfɨaʼ kɛ ə ghənə fɨaʼà. Ə pɔ̂ynè ə nyi ə ghàyn ə fètəyn shîŋə̀ tekɨ̂m.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

1 Pità 3:11

Wùə nə vɨ̂nə kyi se màʼà ewâmnè epize, è kɨsè se zamàʼà ewam akaŋze sə̂ nə̂ chùŋ. È kyi se kyiŋə tendom tèkɨ̂m se kyiə pɔ̂ynè,