Ŋwàʼlè ə̀ Pɔ̂l sê ghɨə Lûmghè 12:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 12:16 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 26:11

Ghàyn nə kyi tsɛ ke ndò ghɨ afɨf ghə ghàyn əfètəyn, pîza m va se faŋ ghâsènì sə teshɨ̀ŋə̀ tèkɨ̂m.

Tom èchùŋ kè kə Lûk tè nyaʼ 14:13

Ə ò kyi ghɛe ezhize, o pɨlə ndâmnə̀ əghɨ afɨfə è ghə̀ kèngɛchi è m̀ngə̂s è fòfvè.

Tom èchùŋ kè kə Lûk tè nyaʼ 6:20

È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

Ətefɨ̂aʼ 4:32

Nâʼà ghɨ poməghe əkɨ̂m tè nyi ke sə afɨa àmɔ̀ʼ, kyi ke èkwâʼtè èmɔ̀ʼ è təmghə əmɔ̀ʼ. Nâʼà wùə èmɔ̀ʼ tè piə va nə ə̀ fɨa kɨ̀nə kyi ke zhi, nâʼà pi ndè e njiə àfɨa, chyâtə̀ fo ànyìə vəyn.

Ŋwàʼlè ə̀ Pɔ̂l sê ghɨə Lûmghè 11:20

E nyi səmɔʼ. Ə tè fɨafte tsɨsè fu kûmə̀ nə ghənə tè paʼà pomə, ə fɨnə pasə̂ ghàyn fu ewìyn ə fekàʼ kûmə̀ nə ghàyn tè nyi mə ghàyn ə pomə̂, pîza, ghàyn kyi va sə̂ pfɨnə̀ àngàŋtè. Ghàyn e pɨlə fânə̀.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 15:5

Ə m tsə̂mə̀ nə Zhə̀ fɛ ə fe nə̂ nə ghâsènì ə kolə ə̀təm, fɨnə fo ghâsènì è təmghe, nə fe nəyn nə ghàyn ə nyi choze emɔ̀ʼ è ngɨŋ saynse kə ghàyn chùmtə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 6:5

Ghàyn ghomə̂ va? Pîə e za nyi nə wùə vîvè va ə è tɔfə kwəynə ə ghàyn ə fètəyn vɛ ə è kàʼa è saʼ saʼ saynse mə?

1 Kɔlìŋ 8:2

Ghɨ ghɛ ə kwàʼtə nə ə ke ndô ghɛ fɛte keva kə ghənə fə kyi sə̂ ke.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Filìpây 4:2

Èyondìa è Sìntîs, m chyatə̂ nə ghàyn ə nyi sə eghɛ èmɔ̀ʼ mə ə zɔ̂ va kə ghɔnyì ghe ə Pɛ̂pɛ.

Ipilù 13:5

Kə ghàyn pomə nə kɔ̂ŋ ekɛze ə nyi ə ghàyn endam, ghàyn e nyi èsaŋnêzè è fɨa kɛ ə ghàyn kyi kûmə̀ nə Zhə̀fè ə tsɨ̀nə̀ nə, “M tə zâ va ghàyn nâʼà səkɔs, va se tə kyiynê ə ghàyn.”

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

1 Pità 5:3

Kə ghàyn ə zəʼtə̂ ndò ghɨ ghɛ ə fo nə ghàyn ə tɔ̂ʼnə̀ è ghənə. Ghàyn e pɨlə nə̂ ə̀ghɛ endom vɛ ə ghənə nə̀ səynə ghàyn.

3 Njɔyn 1:9

M tè nyàʼ ŋwàʼlè sê ndɛ ə̀ Fèzhə̀ zâynzè, pîza Ndûətifìs vɛ è kyiŋə sə nyi àtu əghɨ̀ ə poməke ə tə nə zhi zɨtə̂ va ghɛ zɛ ə m pîə ətəyn.