Ŋwàʼlè ə̀ Pɔ̂l sê ghɨə Lûmghè 12:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Nâʼàpî ndè e chyâtə̀ èfɨa vəynve, fo ə̀ghɨ pomə ghɛ ə ghe kiva. Nâʼàpî ndè e fiə ə̀ghɨ motə pə ə və ndɛ.

Ŋwàʼlè ə̀ Pɔ̂l sê ghɨə Lûmghè 12:13 ပူးပေါင်းရင်းမြစ်များ

Matyò 25:35

Ghàyn tə fiə èpɔsê nə zɨnə mə kûmə̀ nə, chɨ̀ŋ tè nyîə zafə mi, ghâ fo àfɨa nə M zhi. Pfɨ̀ŋ m̀mò ezafə Mi ghâyn ə fo Mi èmôm nə m mɨ, M tè nyi wùə èmòtəpə, ghâyn ə fi ndzɨsə̂ Mi achûŋ ə ghâ sendɛ,

Ətefɨ̂aʼ 10:4

È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.

Ətefɨ̂aʼ 4:35

fo se ghɨətomə Njisə̀sghè, ghənə e chyâtə̀ sê ghɨ poməghe, nâʼà pîndè e fiə kə kɛ è làʼà.

Ŋwàʼlè ə̀ Pɔ̂l sê ghɨə Lûmghè 12:8

Wùə vɛ ə fo ə̀ Fèzhə̀ se vəyn nyi nə è və fo ə̀təm sê ghɨghe, e ve nə̂ kə zamə. Nâʼàpî ndè vɛ ə fo ə̀ Fèzhə̀ se vəyn nyi nə fɨake ə ndô ə və gho ndûə sê ghɨ mɔ̀ʼɔghe, è ve fo è təm ə vəynghe əkɨ̂m. Wùə vɛ ə fo ə̀ Fèzhə̀ se vəyn nyi nə è və nyi àtu se ghɨghe, è ve nyi àtu se ghɨə təynghe achûŋ. Wùə vɛ ə fo ə̀ Fezhə̀ se vəyn nyi sə̂ kyi èkosê esəyn sê ghɨghe, ə è və nə̂ zamə è saŋnêzè.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

2 Kolìŋ 9:1

M ke nə m fə fɨyn kyi va se nyaʼ sê ghàyn kûmə̀ ètsâmtè zɛ ə ghàyn kyi se tom sê ghɨə Fezhə̀ ghè ə Njòndyâ,

2 Kolìŋ 9:12

kûmə̀ nə fo nə zɨ̂nə̀ ə ghàyn fo tsâmtə̀ kə va ghɨə Fezhə̀. E nə̂ nə ghənə ə fo kəpi àzɔ̀ŋnè sê Zhə̀fè, nâʼà sə ŋaŋ.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

Ipilù 13:2

Kə ghàyn tə lɛ̂sè sə̂ fiə ndzɨsə̂ ə̀ghɨ ə motə pə ə ghàyn ə sendɛ. Ghɨə mɔ̀ʼɔghe ə fi ndzɨse ghɨghe, ke va nə ghənə fiə sètsì.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

1 Pità 4:9

Ghàyn e fɛtə fiə ə̀ ghɔnyì ghaynghe ə ghàyn ə sendɛ, fiə kə nâʼà è təmze emɔ̀ʼ, shwinə̂ va.

1 Njɔyn 3:17

Ə wùə nyi wùə eghaʼâ, ə fe ànyìə vəyn è làʼà, kyi va təmə chûŋə̀ se tsàmtə vəyn, è kàʼa è pi zayn nə è nyi ə̀ kɔŋə̀ Fèzhə̀ ə?

3 Njɔyn 1:5

Ò fɛtə̂ nə̂ kə èfɨaʼ zɛze sê ghɔ nɛ̂ ghè ə soyn vɨ̂m ve kɔ̀ŋ nâʼàpî ezhoghɛ ghənə nyi əghɨ mə ò ke va ghənə.