Ŋwàʼlè ə̀ Pɔ̂l sê ghɨə Lûmghè 12:12 - Ŋwàʼlè ə̀ Fèzhə̀ Mkâyn Mə̂ Fèm

¹² Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.

Ŋwàʼlè ə̀ Pɔ̂l sê ghɨə Lûmghè 12:12 ပူးပေါင်းရင်းမြစ်များ

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Tom èchùŋ kè kə Lûk tè nyaʼ 10:20

Pîza kə ghàyn ə saŋnə nə zuʼ se pise ə zɨ sê ghàyn, ghàyn pɨlə saŋnə̂ nə, ə nyàʼ zə ghaynghe ə ŋwàʼlè ə̀ ekwùtwəyn.”

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Ətefɨ̂aʼ 1:14

Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.

Ətefɨ̂aʼ 12:5

Ə ndə̀mə̀ Pità ə ndɛ̂ chaʼ, ghɨə poməghe ə faŋa epàm tsə̂mə̀ sê Zhə̀fè ètəmghe əkɨ̂m.

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 8:25

Pîza ə ghâsènì kyi kwâʼtèzè se fɨa kɛ ə ghâsènì fe va, ghâsènì ə kolə ə̀təm ə lɨmtə̂ kəynke.

1 Kɔlìŋ 13:13

Nyiəmə, ə̀ nyi əghɛ ghɨ̀nə̀ ə̀ ta ə ghâsènì kyi sə̂ kyi, epomə̂, è ghɛ ghɛ ə ghâsènì kwàʼtə̀ se kyi, è kɔŋè; pîza ghɛ eghaʼâzè famə əghɛ ə̀kɨ̂m nyi ekɔ̂ŋ.

2 Kolìŋ 12:8

Mə tə chyatê Pɛ̂pɛ shîŋə̀ teta nə È nji tsɨsè èzaf ətəynze,

Filìpây 3:1

Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Kòlosè 1:11

M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.

2 Tèsàlonikà 3:5

Ghàs tsə̂mə̀ nə Pɛ̂pɛ nəyn ə ghàyn fe ndom vɛ ə Zhə̀fè kɔ̀ŋə̀ ghàyn, è kɨsè ndom vɛ ə ghàyn kyi sə̂ kolə ə̀təm ətəyn, kè endom vɛ ə Klâys tè kol.

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Ipilù 10:36

Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 5:7

Ə̀ tè nyi kə Njisə̀s pa ndamə fa chi, è nə̂ è və tsə̂mə̀ sê Zhə̀fè, pɨa chîə. È tè tsə̂mə̀ nyì kûmə̀ nə è tè ke ndô nə Zhə̀fè nyîə kyi àtyaʼ se sɔza vəyn ekwu. Zhə̀fè ə tə zɨ vəyn kûmə̀ nə è və tə tsosê ngɨŋə̂ vəyn, ə fo zə̂ynzè sê Zhə̀fè.

Ipilù 6:12

Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

2 Pità 1:6

Famə ə ghàyn etɔf, famə ə ghàyn e kyîə sèngɨŋze, ghàyn e kyi kepî èwəynsê, wəynsə kə va ndô pîza fɨnə ndamə èndam zɛ ə ze nə̂ Zhə̀fè e saŋnə̂,

Etyə̂yn ə paynsêzè 13:10

Ə tè nyì se tə kyiə fà nâʼà pîndè, ə tə kyî fa kə ndò. Ə tè nyi se tə zhwi nâʼà pîndè efe eghɔŋ, ə tə zhwi ke ndò vəyn è fɛ̂ eghɔ̀ŋze. Zɨnə mə tyə̂nə̀ nə ghɨə Fezhə̀ghè kyi sə̂ kyi èkol ətəmze, è kyî epomə̂zè.”