Ŋwàʼlè ə̀ Pɔ̂l sê ghɨə Lûmghè 12:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Kə wùə vîvè ə zɔlə. Nâʼàpî ndè e fɨaʼà ètyaʼa sê Pɛ̂pɛ è təm ə vəynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 12:11 ပူးပေါင်းရင်းမြစ်များ

Matyò 24:12

Ghɛ ə piə tə nə̂ ə nyi mə ghə waŋ ke luʼ tekɨ̂m ə kɔ̂ŋ ə tsɨ̀tsɨ̂ze sê ghəmɔ̀ʼɔ kɛse sayn.

Matyò 25:26

Pɛ̀ èfɨaʼ ə̀ vəyn ə pìə sê vəyn nə, ‹Wùə èpi! wùə èfɨ̀aʼa ezɔlə, ò tè nyîə ke nə m kwîə mə m tè paʼà zho, zûŋtə̀ èfɨa elùʼ mə m tè paʼà waŋ ngwàʼ,

Ətefɨ̂aʼ 18:25

È tè nyi mə ə fɛtê nji kɔʼsê pəyn vəyn ə Pɛ̂pɛ endom, kûmə̀ àtyaʼ nə kɨnə mə, è ve sè ndaʼà fɨnə zaʼlə̂ kûmə̀ Njisə̀s mə è tsasə va. Pî kə è tè ke ke kûmə̀ èfo mmò ə Njɔyn ze.

Ətefɨ̂aʼ 20:19

M tè fɨ̀aʼa sê Zhə̀fè è ngɨmnê eghaʼazè è kɨsè shîmè pî kə m tè tsɛ tɔynə̂ ə temɔ̀m tə ghɨə Njûstè.

1 Kɔlìŋ 7:22

Ə Zhə̀fè tɔŋə̂ wùə mə nyi akɔ̂s nə è və chumtə̀ Pɛ̂pɛ, sê Pɛ̂pɛ ə è və fɨyn vachi àkɔ̂s kepî èghɨ kə wùə vɛ ə è tè va akɔ̂s ashìŋə̀ kɛ ə Klâys tè tɔŋə vəyn, ə è kəmne ə è və nyi àkɔ̂s sê Klâys.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

Kòlosè 4:1

Pɛ̀ efɨ̀aʼà, ghàyn e fo se ghɨ fɨaʼa ghaynghe fɨa kɛ ə ke kwəynə sê fɨ̂aʼ ə ghənə̂zè. Ghàyn e pɨ̂əytə̀ kəpi nə ghàyn nyîə kyi pɛ̀ èfɨ̀aʼ ekwùtwəyn.

1 Timotì 5:13

Ghənə nyiə kwîə laʼsə̀, njiə kə ə ndɛ ə ndɛ, ndə̀mə̀ kôghɔ̀ŋ, njiə ə ghɨghə ghɛ, fɨnə wâmnə̀ ə̀ghɛ mə va eluʼ ə ghənə̂vè sə̂ wâmnə̀.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

Etyə̂yn ə paynsêzè 2:4

Pîza, m ghâmə̀ ghò kûmə̀ èghɛ èmɔ̀ʼ, ze nyi nə ò fɨnə kɔ̂ŋɔ̀ va mi kə ghàyn tè kɔ̂ŋɔ̀ sə shi.