Ŋwàʼlè ə̀ Pɔ̂l sê ghɨə Lûmghè 12:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə nâʼàpî ndè ə kɔ̂ŋə̀ ànyì ə̀ vəyn è təm ə vəynghe əkɨ̂m. Ə nâʼàpî ndè ə fo èkɔʼsê se ànyì tsɨ̂ə tsɛ̂ kə è fo sê ngɨŋə̂ vəyn.

Ŋwàʼlè ə̀ Pɔ̂l sê ghɨə Lûmghè 12:10 ပူးပေါင်းရင်းမြစ်များ

Matyò 20:26

Pîza, e nə̀ nə ze ə vachi zamə ə ghàyn ə fètəyn. Nâʼàpî ndè vɛ ə è kyiŋə sə̂ nyi wùə èngaŋtə ə ghàyn əfètəyn kyi sə̂ nyi wùə èfɨ̀aʼa sê ghàyn,

Tom èchùŋ kè kə Lûk tè nyaʼ 14:10

Pîza ə wùə ndàm ghò, ə ò ndùə, o pɨlə tsɨsə̂ kə elùʼ e tətə̂vè kə wùə vɛ ə è ndàm ghò pə̀yn pi sê gho nə, ‘Soyn vɨ̂mè, kɔʼte pə̀ tsɨsə elùʼ engaŋtəe fâyn.’ Nyi, ə ò kɔʼnə̂ ə̂ ghɨ ghɛ ghâyn ghə̀ ghənə nyi əshi.

Njɔyn 15:17

Ə kɨnə nyi alâŋ kɨma nə, ghàyn kɔŋ ngɨŋ saynse.”

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Ətefɨ̂aʼ 4:32

Nâʼà ghɨ poməghe əkɨ̂m tè nyi ke sə afɨa àmɔ̀ʼ, kyi ke èkwâʼtè èmɔ̀ʼ è təmghə əmɔ̀ʼ. Nâʼà wùə èmɔ̀ʼ tè piə va nə ə̀ fɨa kɨ̀nə kyi ke zhi, nâʼà pi ndè e njiə àfɨa, chyâtə̀ fo ànyìə vəyn.

Ŋwàʼlè ə̀ Pɔ̂l sê ghɨə Lûmghè 13:7

Ghàyn ndaʼ se tu endaʼve fɨa kɛ ə ghàyn kyi se ndàʼ sê ghənə. Ghàyn maʼ ŋwàʼlè se ghɨ ghɛ ə ghe kyiŋə nə ghàyn maʼ ŋwàʼlè, ə̂ nyi ekɛ se ndàʼ kûmə̀ afɨa kə ghàyn kyi, ghàyn ə ndàʼà. Ghàyn e fo èkɔʼsê se ghɨ ghɛ ə nyi se fo èkɔʼsê se ghənə, è ngɨmnêzè sê ghɨ ghɛ ə nyi se ngɨmnə ghənə.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

1 Tèsàlonikà 4:9

M fe nə ghàs kyi va sə̂ fɨnə nyâʼà èghɛ sê ghàyn kûmə̀ endom vɛ ə ghàyn kyi sə̂ kɔ̂ŋɔ̀ ə̀ghɨ ə pomə mɔ̀ʼɔ ghətəyn. Zhə̀fè ngɨŋ ə̀ vəyn ə zaʼlê ghàyn kə ghàyn kyi sə̂ kɔ̂ŋɔ̀ sèngɨŋ saynse.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

Ipilù 13:1

Ghàyn ndu ke èshike sə̂ kɔ̂ŋɔ̀ sèngɨŋ saynse kə ghɔ nyìə.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 2:17

Ghàyn e ngɨmnə̂ kə əghɨ ə̀kɨ̂m, kɔ̀ŋɔ̀ sèngɨŋ saynse kə ghɨ ə pomə, fânə̀ Fèzhə̀, fɨnə ngɨmnə̂ Fɔ̀yn Èghaʼâ vɛ ə è saʼa ghàyn.

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

2 Pità 1:7

pî kə ghàyn nə̀ Zhə̀fè e saŋnə̂, ghàyn e kyi àshîŋə̀ əghɔ nyì ghaynghe, famə ashìŋə̀ kɛ ə ghàyn kyi sè ghɔnyì ghaynghe, ghàyn e kyi kepî èkɔ̂ŋ.

1 Njɔyn 4:11

Ghɔnyì ghɨm ghe kɔ̀ŋə̀, kə ze nyi nə Zhə̀fè tè nyîə kɔ̀ŋə tsɛsə̀ ghâsènì, ə zə tyə̂nə̀ nə ghâsènì kyi sə̂ kɔ̂ŋə̀ sèngɨŋ sə ghasènìse.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.