Ŋwàʼlè ə̀ Pɔ̂l sê ghɨə Lûmghè 11:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Zɨnə mə tyə̂nə̀ nə ghɛ? Ghɨ ə Isìlâyghè tè pâʼà paynsê kyî fɨa kɛ ə ghənə tè kyiŋə se kyî. Ghɨ ghɛ ə Zhə̀fè tè chitê, ə tə kyî fɨa kɛ ə ghənə tè kyiŋə, pîza ghəmɔ̀ʼɔ ghɛ ə tè tàʼa chitê ə tɛsə̂ ə̀təm ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 11:7 ပူးပေါင်းရင်းမြစ်များ

Ŋwàʼlè ə̀ Mâk 6:52

ə nyi kûmə̀ nə ghənə tè pâʼà tɔ̀ʼ ke ghɛ e kayntə zɛ ə è tè nəyn ə pfɨtə̂ ə̀ghɨzè kamse tâyn tè tyə̀nə zəynze. Ghənə e fe kêva.

Tom èchùŋ kè kə Lûk tè nyaʼ 13:24

“Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

Njɔyn 12:40

“Zhə̀fè ə nə̀yn, ghənə ghe fôf ə fɨnə tɛsə̂ ə̀təm ə ghənə̂ghè kə shiə ghənə̂ ghə fe va, kwâʼtè tə ghənə̂tè e zɨə kê va, ə ghənə fɨyn va se pə̀yn se Mi, kə M tsuʼ ghənə.”

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 11:5

Ə̀ nyi zamə kə ze nyi zôyn. Shitə̀ mə ghɨ̀mè nyì ndô ə Isìlây mə Zhə̀fè ə chitê è fùʼ ə vəynke.

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 9:18

E za tyə̀nə̀ nə Zhə̀fè nyîə kosə̂ èsəyn nâʼàpî se ndè kə Fe chitê se kose esəyn sê vəyn. Fɨnə nə̂ nə tɛ atu zə nyi sê wùə kè kə Vəyn Zhə̀fè kɔ̀ŋɔ.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

1 Kɔlìŋ 10:19

E za tyə̀nə̀ nə ghɛ zɛ m piə nyi nə fɨ̂aʼsèkè kɨ̀sə ə̀ nyi efɨazhiə vɛ ə fo sê kəynke kwəynə̂ pi ndò eghɛ zhize mə?

2 Kolìŋ 3:14

Kwaʼtè tə ghənə̂tè tè nyi mə fìyn, pî se kɔʼɔ zaʼâ ndàyn, kwaʼtè tə ghənə̂tè nyi mə ə fìyntè nâʼà pi ashìŋə̀ àkè kɛ ə ghənə tɔŋɔ ŋwàʼlè àlâŋ. Ə kaʼa nji tsɨsè ke àfɨa əkɨytə nə kɨnə mə ezhoghɛ ə wùə tsɨ̀yntè paʼse yî Klâys.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 4:18

Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.

Filìpây 1:18

Pîza tsôsvè va! kɨ̀sə wùə tsâ tom ə Klâys mə è kaŋkaŋa nə̂ ndò, kɨ̀sə è tsà səmɔʼ m saŋnə̂ kə ndò kûmə̀ nə tom èchùŋ ə̀ Klâys nyîə zhamə ndùə kə əshi.

Ipilù 12:17

Piə ghàyn kendô nə ə̀ tè nyi epàm ətəyn, è ve kɛsə kyiŋə èndom se kyi epɔsê ə pɨ̀aze, pɨ̀a ə tə. Nâʼàpî kə è tè kyiŋə pɔsê ətəynze è shîmè əshi, ndom tè va se kwiynê eghɛ zɛ ə è tè nyi mə è və nə̀yn.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.