Ŋwàʼlè ə̀ Pɔ̂l sê ghɨə Lûmghè 11:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 11:36 ပူးပေါင်းရင်းမြစ်များ

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Tom èchùŋ kè kə Lûk tè nyaʼ 19:38

Ghənə tè piə nə, “Pɔsê e nyi sê fɔ̀yn vɛ ə è pə̀yn sə ezə ə Pɛ̂pɛze. Pɔ̂ynè e nyi ekwùtwəyn. Zhə̀fè kyi epomsê elùʼ vɛ ə ve ngaŋte kwəyn!”

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Ətefɨ̂aʼ 17:28

Wùtɔfə vîvè tè pi nə: ‘Ghâsènì ndamə kûmə̀ Fèzhə̀, kwîə, fɨyn nyi nâʼà pi àkè kɛ ə ghâsènì nyi kəynke.’ Ghɨtɔfə ghayn yîghe ə tə pi kepî nə: ‘Ghâsènì nyì kepî əghɔ Vəynghe.’

Ŋwàʼlè ə̀ Pɔ̂l sê ghɨə Lûmghè 16:27

Ə̀ nyì ke Fèzhə̀ fəynfe nɨŋ ə fe kyi tɔf tekɨ̂m. Ə ghâsènì pomse fəynfe kûmə̀ èghɛ zɛ ə Njisə̀s Klâys nə̀yn, sə te shîŋə̀ tèkɨ̂m. Ə zə nyi ke zamə.

1 Kɔlìŋ 11:12

Kè kə wùzhɔyn nyi mə ə tè pom apàs ewìyn ə wûndomə̀kè, e nyi kepî èghɨ kə wùndômə̀ nyi mə ə̀ tè piə wùzhɔyn vəyn. Pîza mə ghɛ ghəkɨ̂m pə̀yn sê Zhə̀fè.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Ngàleshyà 1:5

Ə pomsêzè ə nyi sê fəynfe sə teshìŋə̀ tekɨ̂m. Ə zə nyi ke zamə.

Ɛfesùs 3:21

Ə pomsê ə vəyn nə zɛ faŋ ke ndò sê ghɨ ghɛ pomə ghɛ ghɛ ə ghe nyi əfètə̂ Klâys Njisə̀s sə teshìŋə̀ tekɨ̂m! Ə zə nyi ke za.

Filìpây 4:20

Ə pomsêzè ə nyi se Zhə̀fè ə ghasènìfe, pɨ̀a ghâsènì sə teshìŋə̀ tèkɨ̂m, ə zə nyi ke zamə.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Ipilù 2:10

Ə̀ tè nyì ke nâʼà èghɛ echûŋzè nə Zhə̀ fɛ ə fe tè fɛte fɨave ekɨ̂m, ə nə̂ kəpî nə ze ə pɔynə̂ kə fɨa ətəynve ə nyi kendò, è və nə̀ nə Njisə̀s fe tsôsvè se kwəynê ə mɨsè, kə è nji pəyn è ghɨə tsɨəghe ə vəyn epomsê, kûmə̀ nə ə̀ nyì Njisə̀s kə è chwìtə̀ ndom esɔzave sê ghənə.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Pità 5:11

Ə tyaʼke ə nyi sê vəyn sə teshìŋə̀ tèkɨ̂m. Ə ze ə nyi ke zamə.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.

Etyə̂yn ə paynsêzè 19:1

Epàm ətəyn, mə zɨə kyə̀ è kô kə anɔ̂yn əghɨ̀kè awulə, è ze pîə nə, “Tsɨ̀tèzè nyì sê Zhə̀fè kûmə̀ nə Sɔzaze, è pomsêzè, è tyaʼke nyi sê Zhə̀fè ghasènìfe.”

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

Etyə̂yn ə paynsêzè 7:10

sè pɨa nâʼà è kyə̀ e tɛ pìə nə, “Ghâsènì ə kyi sɔzaze sê Zhə̀ Fɛ ə fe tsɨs əfekyə̀ fə efɔ̀ynfè è kɨsè sê Va Ndzè.”

Etyə̂yn ə paynsêzè 7:12

pìə nə, “Ə zə nyi ke zamə, ə tsîtèzè, è pɔmsê, è tɔf eghaʼâzè, è zɔ̀ŋnèkè ə foke, è kɔʼsêzè, tyaʼke, è tyaʼ ewìynke, nyi sê Zhə̀fè ghasènìfe nâʼà kə ghè tə ghayn, ə ze ə nyi ke zamə.”