Ŋwàʼlè ə̀ Pɔ̂l sê ghɨə Lûmghè 11:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 11:25 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Tom èchùŋ kè kə Lûk tè nyaʼ 21:24

Ə tə tsuʼlə̂ zhwitə̂ ghənə è nyîm, ə kote ghənə ə nji ndù ndəm sə ekɔ̀s ə epɨ̀as ə mbive ekɨ̂m. Ə̀ za nyi kè kə ghɨatumə tə kəʼsə̂ Njèlusalɛ̀m è gholə nyi ə nyâplə̀ è ghənə se zaʼâ kə shîŋə̀ ghənəà kɔʼ kwəyn.

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 11:12

Ghɛ ə piə ə ghɨ̀ ə Njûsghè tè pəyn èpɔsê etsɨəze sê ghɨə mɔ̀ʼɔghe əkɨ̂m ə mbi. Fɨf əghɨ̀ ə Njûskè ətə̂ ghɛ ə sezuʼghe, ə tə pə̀yn è pɔsê ə Fezhə̀zè sê ghɨ ghɛ ə̀ vachi ə̀ghɨ ə Njûsghè. Ə Zhə̀fè nyì se pɔsê əghɨ ghɛ ə̀ vachi ə̀ghɨ ə Njûsə̀ nyi, ezhoghɛ ə ghɨə Njûsghè nə̀yn pi, nyiəmə ə pɔsê zɛ ə è tə fo sê ghɨə Njûsə̀ tə tsɨ tayn zàyn ezhoghɛ ə ghənə kyi sɔzaze ə?

Ŋwàʼlè ə̀ Pɔ̂l sê ghɨə Lûmghè 11:24

Zhə̀fè ə njì ghàyn ghɨ ghɛ ə ghàyn vachi ə̀ghɨ ə Njûsghè, mə ghàyn nyi kə sengɔyn sə fekàʼ fɛ ə fe ndəmə ə mbvɨyn, ə Zhə̀fè nyì se fɨaftə ə ghàyn ə fekàʼ fɛ ə fe ndəmə ə mbvɨyn, se pasə ghàyn ə fekàʼ fɛ ə zho ndô, ghàyn kwàʼtə̀ nə è vayn njì əghɨ ə Njûsə̀ se fɨnə pasê fumə ewìyn ə fekàʼ ə? Ghɨ Njûsə̀ nyi kə se ngɔyn sɛ ə se tè nyì chi fumə ə fekàʼ.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ŋwàʼlè ə̀ Pɔ̂l sê ghɨə Lûmghè 9:18

E za tyə̀nə̀ nə Zhə̀fè nyîə kosə̂ èsəyn nâʼàpî se ndè kə Fe chitê se kose esəyn sê vəyn. Fɨnə nə̂ nə tɛ atu zə nyi sê wùə kè kə Vəyn Zhə̀fè kɔ̀ŋɔ.

1 Kɔlìŋ 10:1

Ghɔnyì ghɨmə m kyiŋə nə ghàyn fɨyn pyə̂ytè èghɛ zɛ ə ze tè kyàyn sê pɨ̀a ə ghâsènì ghɛ ə ghe tè chùmtə Mosîs. Ghənə əkɨ̂m tè nyi mə ə̀ tsɨ̀ŋnə̀ sèmbàʼ ghənə, ghənə əkɨ̂m ə tsɛ̀ tɔynə̂ àchûŋ ə enjwì ə fengwaŋve.

1 Kɔlìŋ 12:1

Zôyn, kûmə̀ ə̀ghɛ ghɛ ə ghàyn tè nyâʼ kûmə̀ tèfo tɛ ə Zuʼse Ŋwaʼase fo, soyn sɨmse m kyiŋə nə ghàyn ke səmɔʼ kûmə̀ ə̀ghɛ ətəynghe.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Ɛfesùs 4:18

Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.

2 Pità 3:8

Pîza kə ghàyn lɛse ghɛ zɨ̀nə emɔ̀ʼ ə soyn sɨm sechûŋsè, sê Pɛ̂pɛ, tuʼ femɔ̀ʼ nyì ke kə sepìŋ kam, pìŋsè kam e nyi ke kə fetuʼ femɔ̀ʼ.

Etyə̂yn ə paynsêzè 1:20

Ə̀ zɨnə nyi eghɛ endətə zɛ ə lì mɨ̀nə̀ èsɛ̀mbɛ ə ò fe ə mì agho nə̀zhiəke, è kɨsè fɨa vɛ èsɛ̀mbɛ ə tɔmtə lâmsè ətəyn mə ə fɛte ə tə̂ ngôl tsâ: Lì mɛ èsɛ̀mbɛ tyəm kə setsì esɛ̀mbɛ sê ndɛ sə Fezhə̀sè esɛ̀mbɛ, fɨa vɛ ə tɔmtə lâmsè ətəyn èsɛ̀mbɛ e tyəm sê ndɛ sə Fezhə̀sè esɛ̀mbɛ.”

Etyə̂yn ə paynsêzè 10:7

Pîza ashìŋə̀ kɛ ə tsì zɛ ə è nə̀ nə se ndu esɛ̀mbɛ tə tɔŋɔ sɔŋ ə vəynze, ə Zhə̀fè nəyn nə ghɛ ghɛ ə è tè ndə̀te pɨaʼtê nə ghe tə kyanə̀ nji luʼve, kè kə è tè ndàʼa sê fɨ̀aʼtèsè mə ə̀ nyi əghɨ ə vəynghe fɨaʼaghe.”

Etyə̂yn ə paynsêzè 11:15

Zôyn tsì ə̀mɔ̀ʼɔ̂ zɛ ə è nə̀ nə se ndu esɛ̀mbɛ ə tɔŋ sɔŋ ə vəynze. Mə zɨə sèkyə setɛse ekwùtwəyn se pìə nə, “Pɛ̂pɛ ə̀ ghâsènì yî vɛ ə è Chɔʼ Ndə̂m nyiə kyi àtyaʼ sə̂ saʼa mbi zôyn, nyi sə̂ saʼa kə ndò nâʼà kə ghè tə ghayn.”

Etyə̂yn ə paynsêzè 7:9

Epàm ətəyn, mə fe anɔ̂yn əghaʼâ əghɨ̀kè mə ə màʼ ndzɨse fɨfə̂sè, mə ə vayn kàʼa taŋ mɨsè, kyi ə̀kyì əghɨ̀ ghəkɨ̂m, mə ə fɨ pə̂yn ke tâŋ tekɨ̂m, ə fɨnə fɨə ndaʼa tèkɨ̂m, wàmnə̀ kə tewâmnè tèkɨ̂m. Ghənə tè nyi mə ə tyəm ashiə fèkyə̂ fə efɔ̀ynfè è kɨsè ə Va Ndzè əshi, kyi èchwɔ̂ ə ghənə ə gho,