Ŋwàʼlè ə̀ Pɔ̂l sê ghɨə Lûmghè 11:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ E nyi səmɔʼ. Ə tè fɨafte tsɨsè fu kûmə̀ nə ghənə tè paʼà pomə, ə fɨnə pasə̂ ghàyn fu ewìyn ə fekàʼ kûmə̀ nə ghàyn tè nyi mə ghàyn ə pomə̂, pîza, ghàyn kyi va sə̂ pfɨnə̀ àngàŋtè. Ghàyn e pɨlə fânə̀.

Ŋwàʼlè ə̀ Pɔ̂l sê ghɨə Lûmghè 11:20 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:14

M pîə sê ghàyn nə wùə nə vɛ tè fɨ ə piə è kwɨlə̂ tânə̀ ə və ndɛ kè mə Zhə̀fè ə kəʼsê pisə vəynse, pîza ə tàʼa kəʼsê ə sepi sə wùə ə̀ Falàsî sɛ. Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn ə chi, ə naʼapi ndè vɛ ə è nji ngɨŋ ə vəyn ə chi, ə Zhə̀fè nə̂ kɔʼsə vəyn ekwùtwəyn.”

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

Ŋwàʼlè ə̀ Pɔ̂l sê ghɨə Lûmghè 11:18

E za tyə̀nə̀ nə ghàyn kyi va sə̂ ghaŋsə̂ èwiyn sê ghɨ ghɛ ə ghənə nyi kə sengɔyn sɛ ə tè fɨayte mâʼà. Ə ghàyn ghaŋsə wiynve, kə nə lɛsè se kê nə, ghàyn tsɨ̀yn nyi ke sèngɔyn, ə̀ vachi ghàyn ghɛ ə ghàyn kyi ghaŋte, ə̀ nyi teghaŋ ə te kyi ghàyn.

Ŋwàʼlè ə̀ Pɔ̂l sê ghɨə Lûmghè 11:21

Kə Zhə̀fè tè tàʼa faŋ se pɔynsê ə ghɨ ə Njûsghè, ghənə ghɛ ə tè nyi kə sengɔyn sɛ ə se tè nyì chi sə shi, ghàyn kwàʼtə̀ nə fe nə̀ faŋə ndò se pɔynsê ə ghàyn ə?

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 3:3

Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?”

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

1 Kɔlìŋ 15:1

M kyiŋə zôyn ə ghɔnyì ghɨmə se pyə̀ytè ə tom èchûŋ zɛ m tè tsàyn sê ghàyn, gha zɨə ə pomə sè tyəm kə təyn.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

2 Kolìŋ 1:24

Ghàs mɔ̀msə̀ chîəva se ŋamnê ə ghàyn nə ghàyn pomə ghɛ zɛ ə ghàyn kɔ̀ŋə̀ va, ghàs nyîə ke nə ghàyn fɛte tyəm ndò ə ghàyn epomə̂. Ghàs pɨlə fɨaʼà è ghàyn sə ghàyn ə chùŋ.

2 Kolìŋ 10:5

Ghàs pofsə̂ èsaʼnê, è wâmnè tə eghaŋsə nə ewìyn tɛ ə te nə̂ nə kə ghɨə ke Zhə̀fè. Ghàs chisə tèkwâʼtè tə ghɨ̀tè, nə̂ nə ghənə ə nə̂ ə̀ghɛ endom vɛ ə Klâys kyiŋə.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

2 Tèsàlonikà 2:4

Wùə èpi nə vɨ̂nə tə fɨə pə, ə è pi ghɛ ə kwunəghe kûmə̀ Fèzhə̀, è nâʼàpî ghè vɛ ə ghɨə ngɨmnə, njîə nə ə̀ nyi Fezhə̀, ə è pi nə zhi nyîə kɔʼnə̂ tsɛ̂ nâʼà ghənə əkɨ̂m. Kûmə̀ zɨnə mə ə è ndu njiə tsɨsə̂ ə ndɛ̂ Fèzhə̀ ètsə̀mə ə è və pìə nə ə̀ nyì ke nâʼà zhi Zhə̀fè.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

Ipilù 3:19

Nyiəmə, zɨnə mə ə nə̀ nə ghənə vayn kàʼa nji fumə elùʼ kûmə̀ nə ghənə tè pomə̂ va sê Zhə̀fè.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 4:6

Ghɨ ghɛ ə ghe tè zɨ tom è chùŋ nə zɨ̂yn sə shi tè paʼà nji elùʼ e zɨtə Fèzhə̀ nə vɛ kûmə̀ nə ghənə tə tə se zɨ sê Zhə̀fè, pîza ghɨ mɔʼɔ se nyi ndò zôyn se tə nji elùʼ nə vɛ.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.

1 Pità 5:9

Ghàyn tyəm ə ghàyn ə tɛ ə ghàyn ekyî epomə̂zè kə ghàyn tàʼa pomə̂ eghɛ zɛ ə è pìə kûmə̀ nə ghàyn nyîə ke nə ghɔnyì ghaynghe ghɨə pomə fe kəpî èkyì ə ngəʼ nə zɨ̂yn mbi èkɨ̂m.

Etyə̂yn ə paynsêzè 18:7

Ghàyn fo vəyn ètsôsvè, è təm ə tɨləghe, ə ze ə tsɨ̂ə tsɛ̂ epomsê, è chùŋ zɛ ə è tè kyi. È tè nyiə kɔʼsə̂ tèkwûəmə̀ pîə sê ngɨŋə̂ vəyn nə, ‘M nyi nyìə fɔ̀yn, vɛ ə è tsɨs ə fekyə̀ fə efɔ̀ynfè saʼa m vachi zhwiə kwuə. M tə kyî va təm ə tɨləghe.’

Etyə̂yn ə paynsêzè 3:17

Ò pìə nə, ‘ò nyiə kyi èkɛ, mə o fɨ̂aʼ kɛve, lâʼà va fɨake.’ Pîza ò pìə za ke va nə ò nyi afɨa ə laʼsəke, è fɨa ə kosə nə esəynke, nyi afɨf mə o fòf fɨnə kwiə è sas ezomze.