Ŋwàʼlè ə̀ Pɔ̂l sê ghɨə Lûmghè 11:1 - Ŋwàʼlè ə̀ Fèzhə̀ Mkâyn Mə̂ Fèm

¹ Pfɨf zɨme zôyn nyi nə: Zhə̀fè tè tə ndô ghə vəynghe nə əghɨ mə? E vachi za! Ə mi èngɨŋ zɨ̂mè nyi wùə Isìlây, ə feghâŋ fə Aplàghâmfè, ə wùə ètàŋ ə Penjamə̀ynzè.

Ŋwàʼlè ə̀ Pɔ̂l sê ghɨə Lûmghè 11:1 ပူးပေါင်းရင်းမြစ်များ

Tom èchùŋ kè kə Lûk tè nyaʼ 20:16

E nyi za, ə è pə̀yn zhwite əghɨ efɨaʼa nə ghɨyn ə è kɛse nji afûʼ ətəynke ə fo sê ghɨə ndô ghè.” Njisə̀s ə mɨ̀sè ngàyn nə zɨ̀yn, ghɨ ghɛ ə zɨtə̂ nyi ə piə nə kə Zhə̀fè tə pomə nə wùə mɔm kyi eghɛ zɛ ə ghɨə efɨaʼa nə ghɛ tè mɔ̀mə̀.

Ətefɨ̂aʼ 22:3

“M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Ətefɨ̂aʼ 26:4

Ghɨ Njûs ghəkɨ̂m ke ndô tsɨsə̂ zɛ ə m tè kyi mə m pa tətə̂ ndò ə Njèlusalɛ̀m.

Ŋwàʼlè ə̀ Pɔ̂l sê ghɨə Lûmghè 11:11

M pfɨfə kəpî nə, shîŋə̀ kɛ ə ghɨə Njûsghè tè tɨm ghol ə ghənə̂ghè ə pfɨ̀ə, ghənə tè pfɨ̀ faŋ ke ndò mə? E va za nâʼà səkɔs! Ə̀ tè nyi kə ghənə nə̂yn pi, Zhə̀fè ə kwàʼtə̀ ə̀ghɨ ghɛ ə̀ vachi ə̀ghɨ Njûsghè ə fo esɔzaze sê ghənə. Fe tè nəyn nyî kə ghɨ Njûsə̀ kɛse ə ghəʼə̀ ə̀ghɨ ghɛ ə̀ va əghɨ ə Njûsə̀.

Ŋwàʼlè ə̀ Pɔ̂l sê ghɨə Lûmghè 3:4

E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”

Ŋwàʼlè ə̀ Pɔ̂l sê ghɨə Lûmghè 9:3

kûmə̀ ə̀ghɨ ghɨmə, ghɛ ə ghasè ghə̀ ghənə fɨ ndaʼze emɔ̀ʼ. Kûmə̀ ghənə, m fə nyiə kyiŋə nə Zhə̀fè lɔʼ mi, ə È nəyn m mə va ghasè Klâys.

2 Kolìŋ 11:22

Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.

Filìpây 3:5

Ə tè se ə nam ghɨmə mə tuʼ mə tsɛ̀ m̀sɛ̀mbɛ kə piə mi. M nyi wùə ə̀ Isìlây mə m fɨ etàŋ ə Penjamə̀ynzè. Pɨ̀a vɨ̂mvè è nyì vɨ̂mvè tè nyi ndɨŋndɨŋ ə̀ghɨ ə Ipilùghè. M tè nyi wùə anɔ̀yn ə ghɨə Falàsîkè, ndə̀mə̀ elwɔ̂ŋ nâʼà sə ŋaŋ.