Ŋwàʼlè ə̀ Pɔ̂l sê ghɨə Lûmghè 10:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə ò pì ècho zɛze nə, “Njisə̀s nyi Pɛ̂pɛ” ə pomə nə Zhə̀fè ə tə zòmsè vəyn ekwu, ə ò tə sɔ fɨ.

Ŋwàʼlè ə̀ Pɔ̂l sê ghɨə Lûmghè 10:9 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:8

M piə sê ghàyn nə, ə tyə̂nə̀ piə ndè ə ghɨghe əshi nə è nyi wùə vɨ̂m, ə Vâ wùə tə pɔŋ pomə ə tsì sə Fezhə̀sè əshi nə è nyi wùə vəyn.

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Ətefɨ̂aʼ 16:31

Ghənə pìə sê vəyn nə, “Pomə sê Pɛ̂pɛ Njisə̀s, kə ə sɔza ghò, è kɨsè sas ə ndɛ zɛze.”

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ŋwàʼlè ə̀ Pɔ̂l sê ghɨə Lûmghè 10:10

Ə̀ nyi epomə̂ ə ghasènìze ə ze nə̂ nə ghâsènì ə nyi chichi ə Zhə̀fè əshi. Ə̀ nyi eghɛ zɛ ə ghâsènì pìə ə ghâsènì echo è pomə̂zè, ə ze nə̂ nə ghâsènì sɔ fɨ.

Ŋwàʼlè ə̀ Pɔ̂l sê ghɨə Lûmghè 14:11

Ə nyàʼ ə ŋwàʼlè ə Fèzhə̀ nə, “Zhə̀fè pi nə, kè kə m nyi Fezhə̀ fɛ ə m ndamə, pî ndè pə̀ tɨmə ə̀ ngwùʼ ə mì əshi, ə nâʼàpî ndè tsɛ̀ fɨaʼtèzè nə m nyi Fezhə̀.”

Ŋwàʼlè ə̀ Pɔ̂l sê ghɨə Lûmghè 14:9

Ghɛ zɛ ə ze tè nəyn kə Klâys kwu, ə è zomə, ə è və nyi ètwɔ, nyi kə è və nyi Pɛ̂pɛ se ghɨ ghɛ ə nyi mə ə kwu è ghɛ ə ghe nyi etwɔ.

Ŋwàʼlè ə̀ Pɔ̂l sê ghɨə Lûmghè 4:24

Ə tè nyâʼ kepî ə̀ghɛ nə ghɨnə mə sê ghâsènì. Zhə̀fè tə njiə kəpi ghâsènì ghɛ ə pomə nə ə nyi kepî kə ghɨ ə Vəynghe. Ə̀ zòmse Vəyn Pɛ̂pɛ ə ghâsènì Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

1 Kɔlìŋ 12:3

M kyiŋə nə ghàyn ke nə wùə vîvè va mə chisə Sèzuʼ sə Fezhə̀sè è vəyn ə è kàʼa è pi nə, “Ə ndi ə Njisə̀s ə tu” mə wùə vîvè vayn kàʼa è pi nə, “Njisə̀s nyi Pɛ̂pɛ,” mə ə̀ chisə va Zuʼse Ŋwaʼase vəyn.

Filìpây 2:11

ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.