Ŋwàʼlè ə̀ Pɔ̂l sê ghɨə Lûmghè 10:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza, ghɛ zɛ ə ŋwàʼlè ə̀ Fèzhə̀ pì nə wùə kyi sə̂ nyi wùə ə̀ chichi ətəyn ə Zhə̀fè əshi tɔynə̂ epomə̂ nyi nə, “Ò kiva se pfɨfə ə ghò əfètə̂ təm nə, ə̀ tə kɔʼɔ ndè ekwùtwəyn.” (E za tyə̀nə̀ nə, se njìə Klâys ekwùtwəyn se tsosə pə̀ Vəyn ə chi.)

Ŋwàʼlè ə̀ Pɔ̂l sê ghɨə Lûmghè 10:6 ပူးပေါင်းရင်းမြစ်များ

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 6:58

Ə̀ za nyi nə M nyi apayn ə kwaŋ kɛ ə ke ndô pə̂ ekwùtwəyn, M vachi kə apayn ə kwaŋ kɛ pɨ̀a əpɨ̀a ghaynghe tè zhi, pîza ghənə ə kwuə. Pîza nâʼàpî ndè vɛ ə è nə̀ zhi wiyn Vɨmve nə̀ ndamə faŋə.”

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 3:25

Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.