Ŋwàʼlè ə̀ Pɔ̂l sê ghɨə Lûmghè 10:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 10:4 ပူးပေါင်းရင်းမြစ်များ

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

Ngàleshyà 3:24

Nyiəmə, lâŋkè e tɔ̂ʼnə̀ kəndò è ghâsènì se zaʼâ kə Klâys pəyn se nə̀yn nə ghâsènì ə nyi chichi ə Zhə̀fè əshi kûmə̀ èkyî epomə̂zè.

Ngàleshyà 4:5

kə è zhɔyn tuə ghɨ ghɛ ə ghe tè nyi etyə̂ Alâŋ nə kɛ, se nə̀yn nə ghâsènì ə nyi əghɔyn sê Zhə̀fè.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

Kòlosè 2:17

Nâʼà èlwɔ̂ŋ ətəynve ekɨ̂m nyì ke enyɨ̂ŋsè vɛ ə ve tyə̂nə̀ ghɛ ə chûŋ ghɛ ə Zhə̀fè tè kyi se tom, ə̀ nyi Klâys ə è lwiynse ghɛ ətəynghe.

Ipilù 10:14

È tè fo ngɨŋ ə vəyn shîŋə̀ze emɔ̀ʼ se efo ze ə nə̀ nə ghɨ ghɛ ə Zhə̀fè nə̀yn nə ə nyi ə̀ghɨ yîghe ə kwəynə̂ mɨ̂sə̀ sə teshìŋə̀ tèkɨ̂m.