Ŋwàʼlè ə̀ Pɔ̂l sê ghɨə Lûmghè 10:2 - Ŋwàʼlè ə̀ Fèzhə̀ Mkâyn Mə̂ Fèm

² M kaʼa m tsayn nə ghənə nyîə kɔ̂ŋə̀ se fɨ̂aʼ se Zhə̀fè è təm ə ghənə̂ghè əkɨ̂m, pîza tɔʼ keva kə ghənə kyi se fɨ̂aʼ se Vəyn.

Ŋwàʼlè ə̀ Pɔ̂l sê ghɨə Lûmghè 10:2 ပူးပေါင်းရင်းမြစ်များ

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 21:28

sè pɨa piə nə, “Ghɨə Isìlâyghè, ghàyn tsamte ghàs! Ə̀ vɨ̂nə nyi wùə vɛ ə è tè kwiə zaʼlə̂ ə̀ghɛ epi ghɛ kûmə̀ ə̀ghɨə Isìlâyghè è Saʼ ə Mosîszè è kɨ̂sè ndɛ̂ ètsə̀mə zɨ̂yn. Nâʼà pi zôyn, è və fɨyn nji ghɨatumə ə njiə è ghənə ə ndɛ̂ ètsə̀mə, pofsə̂ tèluʼ, nə̂ nə kə ə tə nyi è zoze.”

Ətefɨ̂aʼ 22:22

Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 22:3

“M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Ŋwàʼlè ə̀ Pɔ̂l sê ghɨə Lûmghè 10:1

Ghɔnyì ghɨmə, m kɔ̂ŋə̀ nâʼà è təm ghɨmghe əkɨ̂m, fɨnə tsə̂mə̀ nə nâʼà ə̀ghɨ ə Isìlâyghè əkɨ̂m ə nyi mə ə sɔ̀ fɨ.

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 8:3

M tsâ èghɛ sê ghàyn, mə mə tə fe. Ghənə tè pâʼà fo ke fɨa kɛ ə ghənə tè kàʼa fo, ghənə tə fo tsɛ zamə. Ghənə tè fo ke nâʼà sə ghənə ekɔ̀ŋ,

Ngàleshyà 1:14

M tè ke se kɔʼsə Fezhə̀ endom vɛ ə ghɨə Njûsghè kɔʼsə tsɛ̂ ngwàʼ zɨ̂mze tsɨə, mə mə fo təm ghɨmə nâʼà sə ŋaŋ, tsɛ̂ endam endaʼ zɛ ə ghə̀pɨ̀a ə ghasènìghe tè ndamə.

Ngàleshyà 4:15

Ə̀ kyâyn ghe sê saŋnê zɛ ə ghàyn tè kyiə? M pìə kə nâʼà səmɔʼ nə, ə ze fe pɔynə̂ mə ghàyn ə chɔʼtê shi ghaynghe ə fo sê mi.

Filìpây 1:9

M tsə̂mə̀ nə Zhə̀fè nəyn kɔ̂ŋ zɛ ə ghàyn kyi sê ngɨŋ saynse è kɨsè sê Zhə̀fè, ə zə ndəmə̂ ndûə kə əshi. M tsə̂mə̀ kəpi nə ghàyn ə ke ə̀ghɛ ghɛ ə ghe nyi səmɔʼ kûmə̀ Fèzhə̀, è kɨsè nə ghàyn ə ke sənɨŋ ə tə̂ èghɛ zɛ ə̀ nyì ze chûŋzè è zɛ ə̀ nyì ze pize.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

Kòlosè 4:13

M tyəm ke nâʼà kə tsɛ̀ èsaʼ nə è və fɨ̂aʼ sê ghàyn nâʼà è tyaʼa, ə fɨnə fɨ̂aʼà sê ghɨ ghɛ ə ghe ndamə ə Làndisyà è ghɛ ə ghe ndamə ə Ɛlapolìs.