Ŋwàʼlè ə̀ Pɔ̂l sê ghɨə Lûmghè 10:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 10:15 ပူးပေါင်းရင်းမြစ်များ

Matyò 9:38

Ghàyn tsə̂m nə pɛ̀ àfùʼ tom ghɨə əkwiəghe.”

Tom èchùŋ kè kə Lûk tè nyaʼ 10:1

Ə̀ tè nyi epàm əghɛ nə ghɨyn, Pɛ̂pɛ ə chɔʼtə̂ ə̀ghɨ mɔ̀ʼɔ m̀ghɨ̂m sɛ̀mbɛ njò sepɛ̀ ə tomə ghənə, ə pɛ̀ ə pɛ̀ nə ghənə ndù əshi ə setɔ̂ŋ sekɨ̂m è luʼ tɛ nâʼà vəyn tè nyì se ndù ətəyn,

Tom èchùŋ kè kə Lûk tè nyaʼ 2:10

Pîza, Tsì ə̀ Pɛ̂pɛ nə zɛ ə pìə sê ghənə nə, “Kə ghàyn fayn, m pəyn è tom èchùŋ sê ghàyn, è nyi se fo esaŋnê sê ghɨghe əkɨ̂m.

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Tom èchùŋ kè kə Lûk tè nyaʼ 8:1

Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 22:21

Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 1:15

Kûmə̀ zɨnə mə, wiyn vɨmve nyîə nyûŋnə̀ kəpî nə m ndaʼa tom èchùŋ sê ghàyn ghɛ ə ghàyn ndamə ə Lûm.

Ŋwàʼlè ə̀ Pɔ̂l sê ghɨə Lûmghè 15:20

Kɔ̂ŋ zɨme shîŋə̀ tekɨ̂m nyi nə m ndaʼa tom èchùŋ elùʼ vɛ ə nyi mə ə paʼà zɨ kûmə̀ Klâys. M tè nəyn nyiəmə kə m tàʼa ndù elùʼ vɛ ə wùə mɔ̀ʼɔ nyi mə è və kàynè zhə̂tè fɨ̂aʼzè.

Ɛfesùs 2:17

E za tyə̀nə̀ nə Klâys tè pəyn ə tsâ tom ə pɔ̂ynè kè sê ghɨ ghəkɨ̂m. È tè tsàyn sê ghàyn ghɛ ə ghàyn tè paʼsə va sê Zhə̀fè, ə fɨnə tsâ kəpî sê ghàs ghɛ ə tè paʼsə.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ɛfesùs 6:15

Ghàyn nji tom è chùŋ zɛ ə è fo pɔ̂ynè ə tuŋ ə ghàyn əghòl kə sepfɨ sə ghòlse ə pfɨ̂tə̀.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.