Ŋwàʼlè ə̀ Pɔ̂l sê ghɨə Lûmghè 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Elùʼ əshive, m fo àzɔ̀ŋnè se Zhə̀ fɨmfe kûmə̀ ghàyn əkɨ̂m ə Njisə̀s Klâys ezə. M fo àzɔ̀ŋnè se Vəyn kûmə̀ nə pomə̂ zayn se Njisə̀ Klâys chyà ndûə kə ndò mbi èkɨ̂m.

Ŋwàʼlè ə̀ Pɔ̂l sê ghɨə Lûmghè 1:8 ပူးပေါင်းရင်းမြစ်များ

Matyò 24:14

Ə tom èchùŋ zɨ̀nə̀ kûmə̀ èfɔ̂yn ə Fezhə̀vè waŋ ke luʼ tekɨ̂m ə mbi kə ghɨghe ə tendaʼ tèkɨ̂m ə ke səmɔʼ. Ə̀ nyì fumə ashìŋə̀ kə kwùŋseke tə pə̂.”

Tom èchùŋ kè kə Lûk tè nyaʼ 2:1

Ə̀ tè nyi kepî mtuʼ nə mɛ, Àngostòs fɔ̀yn ə̀ endaʼ ə Lûmzè ə fɨsə̂ alâŋ kyîke nə ə nyaʼ nâʼàpî ezə ə ndeze.

Ətefɨ̂aʼ 11:28

Zhizè e nyi ə ghənə əfètəyn, zə vəynze e nyi Àngapùs. È və ndwìə tyəmə̂, tyaʼa Sezuʼ e Ŋwaʼake ə nə̀ nə è tsayn nə, “Chɨ̀ŋ e kayntə tə ko mbi èkɨ̂m.” Zɨnə mə tè kyayn ə shɨŋ zɛ ə Klondiyùs tè nyi fɔ̀yn èghaʼâ.

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ŋwàʼlè ə̀ Pɔ̂l sê ghɨə Lûmghè 16:19

Ghɨ ghəkɨ̂m ə zɨ ndom vɛ ə ghàyn nyiəmə ə tyə̂m ətəyn se zɨ eghɛ ə Fezhə̀zè, zɨnə mə e nə̂ nə mə saŋnə̂. M kyiŋə nə ghàyn ə tɔfə sə nə̂ ə̀ghɛ ə chûŋghè, kiva ghɛze se nə̀yn è pi.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

1 Kɔlìŋ 1:4

M fo àzɔ̀ŋnè sê Zhə̀ fɨmfe shîŋə̀ tekɨ̂m kûmə̀ ghàyn, kûmə̀ àfùʼ kɛ ə è fo sê ghàyn tɔynə̂ ə Klâys Njisə̀s.

2 Kolìŋ 2:14

Pîza, zɔ̀ŋnèkè nyi sê Zhə̀fè kə è zàŋsə̀ kwìə ndùə è ghâsènì è tyale tɔynə̂ ə Klâys se tyə̀yn nə ghâsènì ə tɨm zhi, tɔynə̂ ə ghàs, tom ə̀təyn e waŋə ndûə kə luʼ tekɨ̂m, ghɨ ghe kê Vəyn.

Ɛfesùs 1:15

Ə̀ za nyi əghɛ ghɛ ə ghe nə̂ m fo àzɔ̀ŋnè sê Zhə̀fè, kwâʼtə̀ ghàyn ə mì etsə̀m shîŋə̀ tekɨ̂m sə fighɛ m zɨ kyî epomə̂ zɛ ə ghàyn kyi sê Pɛ̂pɛ ə̀ ghâsènì Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀.

Ɛfesùs 3:21

Ə pomsê ə vəyn nə zɛ faŋ ke ndò sê ghɨ ghɛ pomə ghɛ ghɛ ə ghe nyi əfètə̂ Klâys Njisə̀s sə teshìŋə̀ tekɨ̂m! Ə zə nyi ke za.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 1:3

M fo àzɔ̀ŋnè sê Zhə̀ fɨmfe nâʼàpî ashìŋə̀ àkè m kwàʼtè ghàyn,

Kòlosè 1:3

Ghàs nyîə fo àzɔ̀ŋnè sê Zhə̀fè shîŋə̀ tekɨ̂m, ə Pɨ̀a se Pɛ̂pɛ ghâsènì Njisə̀s Klâys, ezhoghɛ ə ghàs tsə̀mə̀ sê ghàyn.

1 Tèsàlonikà 1:2

Ghàs fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn əkɨ̂m. Ghàs tsə̀mə̀ sê ghàyn shîŋə̀ tekɨ̂m ezhoghɛ ə ghàs tsə̀mə̀.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

Filemùyn 1:4

Filemùyn soyn vɨ̂m, m piə m tsə̂mə̀ nâʼàpî ashìŋə̀ àkè mə tɔŋtə̂ ezə zɛze, fo àzɔ̀ŋnè sê Zhə̀ fɛ ə m kɔʼsə.

Ipilù 13:15

Ə ghâsènì ə tsîtə̀ Fèzhə̀ shîŋə̀ tekɨ̂m kə efo ə ghasènìze tɔynə̂ ə Njisə̀s. Zɨnə mə nyi kə efo ə ghâsènì fo è kyə̀ ècho se tyə̀yn nə è nyi Pɛ̂pɛ.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.