Ŋwàʼlè ə̀ Pɔ̂l sê ghɨə Lûmghè 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Tom èchùŋ nə zɨ̂yn wàmnə̀ kûmə̀ Vâ Fèzhə̀, ə Pɛ̂pɛ ə̀ ghâsènì Njisə̀s Klâys. È tè piə è pə̀ ə chi sə wûə m̀sɔ̀ŋ, ə pîə Vəyn esas ə ndɛ ə Ndàfîtzè.

Ŋwàʼlè ə̀ Pɔ̂l sê ghɨə Lûmghè 1:3 ပူးပေါင်းရင်းမြစ်များ

Matyò 1:1

Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

Matyò 1:16

Njàkɔ̂p tè nyi pɨ̀a Njosɛ̀f. Njosɛ̀f tè nyi ndomə̀ Mèli vɛ ə è tè piə Njisə̀s vɛ tɔŋtə nə Klâys.

Matyò 1:6

Njesì tè nyi pɨ̀a fɔ̀yn Ndàfît. Ndàfît yî zhwîə Ùliyà ə pîə Sòlomùyn.

Matyò 12:23

Nɔ̂ynvè tè nyi è kaynze eghɛ zɛ ə Njisə̀s nə̀yn. Ghənə è ngɨŋ sə ghənə̂sè ə zhə̀tə̀ se pì nə, “Ə vɨ̀nə kàʼa nyi Vâ ə fèghàŋfə Fɔ̀yn Ndàfîtfè mə?”

Matyò 15:22

Wùzhɔyn emɔ̀ʼ endaʼ ə Kanànâtzè mə è tè ndamə fu endaʼ ə fɨə pə̂ sê Njisə̀s chîə, puʼə àpɔ̂ŋ pîə nə, “Kose səyn sê mi ə Pɛ̂pɛ, Va fèghàŋ ə ndɛ Fɔ̀yn Ndàfîtfè! Vayn vɨ̂m vê èzhɔyn nyîə zɨə ngəʼ nâʼà sə ŋaŋ kûmə̀ nə pamə̂ ə satàynzè nyi ə vəyn wìyn.”

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 27:43

È samsə̂ sê Zhə̀fè pîə nə è nyi va Fèzhə̀. Ngəʼ va, ə ghâsènì fe ke ndò ezhoghɛ Zhə̀fè sɔsè vəyn zôyn.”

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Matyò 9:27

Njisə̀s ə ndò fumə sè kwîə ndûə, ghɨ e fofə ghə pɛ̀ ə chùmtə̀ vəyn, pɨ̀a tɔŋɔ piə nə, “Kose səyn sê ghàs ə Va fèghàŋ ə ndɛ Ndàfîtfè!”

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 1:69

Fe ə fo mbàŋ àngyə̀s sê ghâsènì mə è fɨ esas ə ndɛ Ndàfɨ̂tzè, ə wufɨ̀aʼa ə̀ vəyn.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 7:42

Ŋwàʼlè ə̀ Fèzhə̀ pi nə vɛ ə chɔʼ ndə̂m tə fɨə ndom və esas ə ndɛ Fɔ̀yn Ndàfîtzè, mə ə tə piə Vəyn ə Petlɛ̀ghêm ə tɔ̂ŋ zɛ ə Ndàfît tè ndamə ətəyn”

Ətefɨ̂aʼ 2:30

Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 4:1

Ghâsènì kaʼa pi nə ghe kûmə̀ pɨ̀a ghâsènì və shi Aplàghâmə. Ə̀ tè kyayn ghe ə vəyn ashìŋə̀ ə.

Ŋwàʼlè ə̀ Pɔ̂l sê ghɨə Lûmghè 9:3

kûmə̀ ə̀ghɨ ghɨmə, ghɛ ə ghasè ghə̀ ghənə fɨ ndaʼze emɔ̀ʼ. Kûmə̀ ghənə, m fə nyiə kyiŋə nə Zhə̀fè lɔʼ mi, ə È nəyn m mə va ghasè Klâys.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

1 Kɔlìŋ 1:9

Zhə̀fè pìə èghɛ, nə̂ kə zəynze. Ə̀ nyi Fəynfe ə Fe tɔŋə ghàyn nə ghàyn ə fɨaʼà sə eghɛ èmɔ̀ʼ è Va vəyn, ə Pɛ̂pɛ ə ghâsènì Njisə̀s Klâys.

1 Kɔlìŋ 10:18

Ghàyn fe ghɨ Isìlâyghə; ghənə chyâtə̀ afɨa kɛ ə fo etuə àlaŋ efoke ə zhiə, e tyə̀nə̀ nə ghənə ə chyàtè kepî efɨ̀aʼ ə Fezhə̀ zɛ ə ze nyi alaŋ.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

2 Timotì 2:8

Pɨ̀əyte Njisə̀s Klâys kə È tè zòmə ekwu, mə È tè fɨ ə esas ə ndɛ ə Ndàfîtzè, kè kə ə zaʼlə ə tom èchùŋ zɛ m ndaʼà.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

1 Njɔyn 5:5

Ə̀ nyiə kàʼa ə̀ tɨm zhi ndè mbi ə? Ə̀ nyì ke vɛ ə è pomə nə Njisə̀s nyi Va Fèzhə̀.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

Etyə̂yn ə paynsêzè 2:18

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Tyàtilà nə: Ə̀ ghɨnə̀ nyi əghɛ mə ə̀ pi Va Fèzhə̀ vɛ ə shiə vəynghe nyi kə andəm ewûske za, gholə vəynghe e nyanə̂ kə nyî kə akas ə chûŋkè kə ə pûŋsè echi.