Ŋwàʼlè ə̀ Pɔ̂l sê ghɨə Lûmghè 1:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ŋwàʼlè ə̀ Pɔ̂l sê ghɨə Lûmghè 1:28 ပူးပေါင်းရင်းမြစ်များ

Ətefɨ̂aʼ 17:23

kûmə̀ nə kè kə m fe kwìə ka fayn endaʼ, ə fe tèluʼ tɛ ə ghàyn ngɨmnə zhə̀m mâynmè ətəyn, te tsɨ̂ə kə nyi, ə fe kəpî àlaŋ efo kyîke mə ə nyàʼ ətəyn nə, ‘Kɨnə nyi sê Zhə̀ fîfe, mə wùə keva fəynfe.’ Zhə̀ nə fɨ̂nə̀ ə ghàyn ngɨmnə nyî, keva Fəynfe, nyi Fezhə̀ fɛ m wamnə̀ sê ghàyn zôyn kûmə̀ Fəynfe.

Ətefɨ̂aʼ 17:32

Ə tè nyi kə ghənə zɨ kə Pɔ̂l wàmnè ghɛze kûmə̀ èzômə̀, ghɨə mɔ̀ʼɔghe e sè chaʼa vəyn, pîza yîghe e pîə nə ghənə kɔ̀ŋɔ̀ ndò se zɨə kwəynsê ekyì ewàmnè nə zɛ mə.

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 1:21

Pî kə ghənə ke nə Zhə̀fè nyîə nyi, ghənə ngɨmnə̂ va Vəyn kə Fezhə̀, fo va zɔ̀ŋnèkè sê Vəyn. Pîza kwâʼtè tə ghənə̂tè pɨl nyi ke tèkwâʼtè mə te kyi va tɔfze, ghɛ ghe nyi ə ghənə ətəm mə ə̀ lwiyn kê àlɨm ətəyn.

Ŋwàʼlè ə̀ Pɔ̂l sê ghɨə Lûmghè 1:24

Zhə̀fè ə zàmaʼà nə ghənə ə nə̂ ə̀ghɛ enyələ ghɛ ə wiyn mə ghənə̂m kyiŋə, mə ghe pə̂ ghənə è ghomə̂zè.

Ŋwàʼlè ə̀ Pɔ̂l sê ghɨə Lûmghè 1:26

Kûmə̀ zɨnə mə, Zhə̀fè ə njì tsɨ̂sè kwaʼtè ə Vəyn ze sê ghənə̂ ə zàmaʼà nə ghənə chumte ghɛ ə nyələ ghɛ ə wiyn mə ghənə̂ mè kyiŋə. Zəyn ghe zâ se nyɨ̀ŋə̀ è ndom ə ghənə̂ghè, pɨlə nyɨŋə̀ è zəyn ə ndôghè mə ze kiva sə̂ nyi zamə.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

2 Kolìŋ 10:5

Ghàs pofsə̂ èsaʼnê, è wâmnè tə eghaŋsə nə ewìyn tɛ ə te nə̂ nə kə ghɨə ke Zhə̀fè. Ghàs chisə tèkwâʼtè tə ghɨ̀tè, nə̂ nə ghənə ə nə̂ ə̀ghɛ endom vɛ ə Klâys kyiŋə.

Ɛfesùs 5:4

E tsɔ̂fə̀ va nə ghàyn nə wâmnə̀ èwâmnè e nyələze, piə ə̀ghɛ angoghe, chɔʼə ə̀ghɛ ghe ghomə̂. Ghàyn e pɨlə fo kə àzɔ̀ŋnè sê Zhə̀fè.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

2 Timotì 3:8

Ghɨ nə ghɨyn tàsə̀ èzaʼlê zɛ ə ze nyi səmɔʼ kèpî kə Njanìs yî Njampàs tè tàsə zaʼlê ə Mosîszè. Ghənə nyiə kyi tekwâʼtè tepite, fɨnə kwəynə̂ va eghɛ zhîze əfètəyn èkyî epomə̂zè.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Filemùyn 1:8

Kûmə̀ zɨnə mə, m pîə nə ò nəyn ghɛ zɛ ə ze nyi achûŋ kə wùə èpomə. M kaʼa m pi tɔynə̂ atyaʼ kɛ m kyi kə wùətom ə̀ Klâys nə ghàyn nəyn nyiə mə,

2 Pità 3:5

Ghɨ nə ghɨyn ə tè nə̀yn kəpiə ghənə ke va nə etuʼ ə shi, Zhə̀fè ə tsɨ̀nə̀ wâmnə̀ kə ndò kwutwəynve è chike ə pə̀. Chike tè fɨə kɔʼ mmò, mômè ə kyìŋə̀ nga kəynke,