Ŋwàʼlè ə̀ Pɔ̂l sê ghɨə Lûmghè 1:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Kûmə̀ zɨnə mə, Zhə̀fè ə njì tsɨ̂sè kwaʼtè ə Vəyn ze sê ghənə̂ ə zàmaʼà nə ghənə chumte ghɛ ə nyələ ghɛ ə wiyn mə ghənə̂ mè kyiŋə. Zəyn ghe zâ se nyɨ̀ŋə̀ è ndom ə ghənə̂ghè, pɨlə nyɨŋə̀ è zəyn ə ndôghè mə ze kiva sə̂ nyi zamə.

Ŋwàʼlè ə̀ Pɔ̂l sê ghɨə Lûmghè 1:26 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:24

Zhə̀fè ə zàmaʼà nə ghənə ə nə̂ ə̀ghɛ enyələ ghɛ ə wiyn mə ghənə̂m kyiŋə, mə ghe pə̂ ghənə è ghomə̂zè.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

Ɛfesùs 4:19

Ghənə ə màʼà ngɨŋ sə ghənə̂sè sè tsɨ̂fə ndamə kə kə sepu, fɨnə ghomə̂ va, kotə̂ pî èkyì eghɛe epi èkè nə̂ ndùə kə ndò, ndam ətəynze e fɔmə ndùə kə əshi.

Ɛfesùs 5:12

Ə̀ nyi eghɛ eghomeze sə̂ wâmnə̀ nâʼàpî ndò kûmə̀ ə̀ghɛ ghɛ ə ghɨ əghɛ piə nə̂ andə̀te.

1 Tèsàlonikà 4:5

zâ va nə tɨ̂m zɛ ze wìynze se nyɨ̀ŋə̀ è wùzhɔyn ə chisə̂ èndam zɛze kə ghɨ ghɛ ə ghe keva Zhə̀fè nə̀.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

Njût 1:10

Pîza ghɨ ghɨynə sòylə̀ naʼapi èghɛ èkè zɛ ə ə ghənə zɨə ke va. Ghənə nə̂ nâʼàpî èghɛ èkè zɛ ə wiyn ə ghənə̂vè kyiŋə kə se nyam sə mbvɨynse, ə̀ nyi ə̀ghɛ nə ghɨnə mə ə ghe pə̂ è pofsêzè sê ghənə.

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.