Ŋwàʼlè ə̀ Pɔ̂l sê ghɨə Lûmghè 1:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ghənə ə zàmaʼà səmɔʼ kûmə̀ Fèzhə̀, pɨlə chumtə̀ èkwaŋ. Ghənə ə zàmaʼà sə̂ ngɨmnə̂ Fèzhə̀ fɛ ə Fe pom fɨave ekɨ̂m, ə pɨlə faŋə kɔʼsə̂ èfɨa vɛ ə È pom. Ə̀ nyi Fezhə̀ ə ghənə ə kyi sə̂ tsîtə̀ sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 1:25 ပူးပေါင်းရင်းမြစ်များ

Matyò 10:37

Wùə vɛ ə è kɔ̂ŋɔ̀ pɨ̀a kɨ̀sə nyì tsɨ̂ə tsɛ̂ kə è kɔ̂ŋə̀ Mi, kwənə va sə̂ nyi chùmtè èpàm zɨ̂mzè; Ə̂ kɔ̀ŋɔ̀ pindè vayn èndômə̀ vəyn kɨ̀sə vayn èzhɔynə̂ vəyn tsɨ̂ə tsɛ̂ kə è kɔ̀ŋɔ̀ mi, ə è və kwəynə va sə̂ nyi chùmtè èpàm zɨ̂mè.

Matyò 6:24

“Ò vayn kaʼa ô nyi àkɔ̂s sê ghɨghə pɛ̀; ò nə̀ kɔ̂ŋə̀ èmɔ̀ʼ ə ò payn və mɔʼɔ. Ò nə̀ nə̂ ə o nyi ghâyn wùə èmɔ̀ʼ ə ò tə vɛ mɔ̀ʼɔ. Ò vayn kàʼa ò nyi wùə efɨ̀aʼa sê Zhə̀fè, kɛsè nyi wùə èfɨaʼa sê kɛve.”

Njɔyn 2:8

È və fɨnə pîə sê ghənə nə, “Ghàyn tute mîmè ə ndu fo sê wùə vɛ ə è chisə ghɛ ə malə̂ ghɨ̂nə̀.” Ghənə ə tutə̂ ə ndùə fo.

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 1:23

Ghənə tə se ngɨmnê ə Fezhə̀ fɛ ə Fe nyi sə teshɨ̀ŋə̀ tèkɨ̂m. Ghənə pɨlə ngɨmnə̂ èfɨa mə ghɨ fɛtə̂ ègho ə ghənə̂ghè, ve fusə̂ è fɨa vɛ ə ve kwuə. Fɨa ətəynve kyaʼà kə, əghɨ msɔ̀ŋghe, kə mnɨŋ, kə senyam è kɨsè kə sezhò.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

2 Kolìŋ 11:31

Pɨ̀a Pɛ̂pɛ Njisə̀s, ə Fezhə̀ fɛ ə kyi sə̂ kɔʼsə̂ shîŋə̀ tekɨ̂m nyiə ke nə m wamə va.

Ɛfesùs 3:21

Ə pomsê ə vəyn nə zɛ faŋ ke ndò sê ghɨ ghɛ pomə ghɛ ghɛ ə ghe nyi əfètə̂ Klâys Njisə̀s sə teshìŋə̀ tekɨ̂m! Ə zə nyi ke za.

1 Tèsàlonikà 1:9

Ghàs ə zɨ wâmnè zɛ ə ghənə wâmnə̀ kûmə̀ èndom echûŋ vɛ ə ghàyn tè fi ndzɨsê ghàs ətəyn kə ghàs mòtè pə̂yn ghàyn, è kɨsè kə ghàyn tè kwiyne sə chûmtə̀ èfɨaʼsè, sè chûmtə̀ Fezhə̀, ə Fezhə̀ fɛ ə Fe fo ndamze, fɨyn nyi səmɔʼ.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

2 Timotì 3:4

Ghənə tə nə̂ ə pəʼlə̂ ə̀ghɨ è wâmnè ə ghənə̂zè, shɨŋə nə̂ kə ə̀ghɛ ndɔ̀ʼɔ ə kwàʼte, nyi mə ə lwiyn è ghaŋsê ewìynze, kɔŋə̀ ə̀ghɛ ə mbi ghɨnə ghe tsɨ̀ə tsɛ̂ kə kɔ̂ŋə̀ Zhə̀fè.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.