Ŋwàʼlè ə̀ Pɔ̂l sê ghɨə Lûmghè 1:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Zhə̀fè ə zàmaʼà nə ghənə ə nə̂ ə̀ghɛ enyələ ghɛ ə wiyn mə ghənə̂m kyiŋə, mə ghe pə̂ ghənə è ghomə̂zè.

Ŋwàʼlè ə̀ Pɔ̂l sê ghɨə Lûmghè 1:24 ပူးပေါင်းရင်းမြစ်များ

Matyò 15:14

“Kə ghàyn kyi fɨmsê pɔ̀m ghənə! Ghənə nyi etu mə ə fòf chisə̂ ə̀ghɨ ə fofə; mə shîŋə̀ kɛ ə wùə èfòfə tsɛ̂ əshi və mɔ̀ʼɔ chùmtə̀ vəyn, ə ghənə əkɨ̂m pfɨə nji epə.”

Ətefɨ̂aʼ 14:16

Ə tè nyì sə shi, Zhə̀fè ə zà ə̀ghɨ ə̀kɨ̂m nə ghənə ə nə̂ nâʼàpî èghɛ èkè zɛ ə ghənə kɔ̂ŋɔ̀.

Ətefɨ̂aʼ 7:42

Zhə̀fè ə pə̀ynsə̀ tsɨ̀m sê ghənə ə za nə ghənə ə kɔʼsə m̀lî ekwùtwəyn. Ze tè kyayn kè kə nyi mə ə nyàʼ ə ŋwàʼlə̀ sèfɨ̀aʼtè nə, ‹Ghɨ Isìlâyghè, piə ghàyn ke nə, ghàyn tè pâʼà se nyamse, se fo tefo ətəyn sê mi sə sepìŋ sɨ̂nə̀ m̀ghɨm m̀kyàʼ kə ghàyn ndam kɔʼ endaʼ ashəshə zə?

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

1 Kɔlìŋ 6:13

Wùə kaʼa è pi kepî nə, “Ə zhiə nâʼà pî ghɛ̀, ke ndûə kə endwɔ̀, ndwɔ̂vè nyi ke sə̂ fiə èfɨa ezhiəve.” E nyi ke nâʼà səmɔʼ pîza Zhə̀fè e nyi se tə pofsê èndwɔ̂ə ətəyn pâʼsə̂ kə efɨazhiəve. Wiynə wûəvè vachi nə è və nyɨ̂ŋə̀ è zəynghe, kɨ̀sə ə ndômnè, ve pɨl nyi sə̂ nə̂ efɨaʼ ətəyn sê Pɛ̂pɛ, ə̀ nyi Pɛ̂pɛ vɛ ə è tɔ̂ʼnə̀ ewiyn ətəynve.

1 Kɔlìŋ 6:18

Ghàyn tə kɛsê epàmə̂ ènyɨŋə̀ ə zəyn è ndômnèghè. Nâʼàpî èghɛ èkè zɛ ə wùə m̀sɔ̀ŋ nə̀, è vayn pofsê ewiyn ə vəyn, pîza wùə vɛ ə è nyɨ̀ŋə yî wùzhɔyn kɨ̀sə yî wùndômə̀, nə̀ pi è pofsə̂ èwiyn ə vəyn.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

1 Tèsàlonikà 4:4

fɨnə kɔ̂ŋɔ̀ nə nâʼàpî wùndômə̀ èkè ke se ndam yî zhwîə vəyn àchûŋ, endom eŋwaʼve, èndom vɛ ə ghɨə nə kɔʼsə vəyn ətəyn,