Ŋwàʼlè ə̀ Pɔ̂l sê ghɨə Lûmghè 1:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Pî kə ghənə ke nə Zhə̀fè nyîə nyi, ghənə ngɨmnə̂ va Vəyn kə Fezhə̀, fo va zɔ̀ŋnèkè sê Vəyn. Pîza kwâʼtè tə ghənə̂tè pɨl nyi ke tèkwâʼtè mə te kyi va tɔfze, ghɛ ghe nyi ə ghənə ətəm mə ə̀ lwiyn kê àlɨm ətəyn.

Ŋwàʼlè ə̀ Pɔ̂l sê ghɨə Lûmghè 1:21 ပူးပေါင်းရင်းမြစ်များ

Njɔyn 3:19

Ə̀ nyi nyiə kə Zhə̀fè tə tsɛsə̀ saʼa Vəynze: paynze ə nji ə mbi, pîza ghɨghe kɔ̂ŋɔ̀ kə àlɨm tsɨ̂ətsɛ̂ kə kɔ̂ŋə̀ paynze kûmə̀ sèpi sə ghənə̂sè.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 1:19

Zhə̀fè ə chwìtè nyɔʼsè etɔŋ ə Vəyn se ghənə kûmə̀ nə ghənə nyiə tɔʼ ke ə̀ghɛ ə̀kɨ̂m ghɛ ə ghɨə kyi sə̂ ke kûmə̀ Fèzhə̀, kə Zhə̀fè è ngɨŋə̂ vəyn nyi mə È və tyə̀yn se ghənə.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ŋwàʼlè ə̀ Pɔ̂l sê ghɨə Lûmghè 11:10

M tsə̂mə̀ nə ə Zhə̀fè nəyn ə ghənə fof kə ghənə ə vayn kàʼa fe. M tsə̂mə̀ nə è nəyn ə ghənə pɨaʼa pɨ̀aʼà kɛ ə ke tɨlə̀ kə ke kàʼa ə ke nəyn ə tsɨmsə ghənə̂sè ndɨmə faŋ.”

Ŋwàʼlè ə̀ Pɔ̂l sê ghɨə Lûmghè 15:9

È tè pə̀yn se nə̀yn nə ghɨə ghɛ ə̀ va əghɨ ə Njûsghè ə pɔmsə̂ Fèzhə̀ ə Fəynfe ekosê esəynze. E nyi kə nyâʼ ə ŋwàʼlè ə̀ Fèzhə̀ nə, “Nyiəmə m tə tsîtə̀ ghò ə fètə̂ ə̀ghɨ ghɛ ə vachi ə̀ghɨ ə Njûsghè. M nə zhəmə sènjàŋ tsitə̀ èzə zɛze.”

2 Timotì 3:2

Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.

1 Pità 1:18

Ghàyn ke nə Zhə̀fè ə tə zhɔyn fɨse ghàyn endam e mɨ zɛ ə pɨ̀a ghaynghe tè ndamə. Zhə̀fè tè pâʼà zhɔyn ghàyn è fɨake kə ekɛ mə ve kàʼa ə ve pof.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Etyə̂yn ə paynsêzè 14:7

È zə pìə è kyə̀ ètɛ nə, “Ghàyn e fànə̀ Fèzhə̀, tsìtə̀ fəynfe kûmə̀ nə shîŋə̀kè ə kwəyn kə fe saʼ ghɨghe əkɨ̂m. Ghàyn ngɨmne vəyn vɛ ə è tè pom kwutwəynve, è chike, è njwî ə fengwaŋve, è mose mə se fɨə ə setɔŋ sə mmòse.”

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”