Ŋwàʼlè ə̀ Pɔ̂l sê ghɨə Lûmghè 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Ŋwàʼlè ə̀ Pɔ̂l sê ghɨə Lûmghè 1:20 ပူးပေါင်းရင်းမြစ်များ

Matyò 5:45

Ə ghàyn nə̀yn zamə, ə ghàyn ə nyi ə̀ ghɔ pɨ̀a vâynvè ekwùtwəyn. Kûmə̀ nə È nə̀ nə chwìə Vəyn ə panə sê ghɨ piə è ghɨ echûŋə̀ kè eghɨ, fo èghol sê ghɨ ghɛ ə nə̂ chùŋ è ghɛ ə nə̂ pi kè eghɨ.

Ŋwàʼlè ə̀ Mâk 10:6

Pîza, mə ə tè nyi kə mbi zhə̀tè, ‘Zhə̀fè ə fɛtə̂ wùə endômə̀ è wùzhɔyn,’ ə ke pì nə,

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 15:22

Ə M tè tàʼa pə̀yn se wàmnè sê ghənə kûmə̀ sèpi sə ghənə̂sè mə ze tyə̀nə̀ va nə ghənə ə nə̀yn pi kə ze tyə̂nə̀ zôyn. Ghənə fɨyn kyi va ghɛ zhîze zôyn se pì kûmə̀ sèpi sə ghənə̂sè.

Ətefɨ̂aʼ 17:29

E za nyi nə kə ghâsènì se nyi ə̀ghɔ Fezhə̀, ghâsènì kyi va sə̂ njiə nə Zhə̀fè nyi afɨa kə wùə tsɨsə ə kwàʼtə̀ kə ekyì akas kyîke, kɨ̀sə è tsof ə tə èchi.

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ŋwàʼlè ə̀ Pɔ̂l sê ghɨə Lûmghè 1:19

Zhə̀fè ə chwìtè nyɔʼsè etɔŋ ə Vəyn se ghənə kûmə̀ nə ghənə nyiə tɔʼ ke ə̀ghɛ ə̀kɨ̂m ghɛ ə ghɨə kyi sə̂ ke kûmə̀ Fèzhə̀, kə Zhə̀fè è ngɨŋə̂ vəyn nyi mə È və tyə̀yn se ghənə.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 2:15

Nə̀ynè ə ghənə̂kè tyə̀ nə ghɛ zɛ ə lâŋkè kyiŋə nyi mə ə nyàʼ ə ghənə əfètə̂ ə̀təm, ghənə e ke nə təm ə ghənə̂ghè tyə̀ ndò nə ə̀ nyi nyiə kə ze kyi sə̂ nyi. Ghənə e ke nə təm ə ghənə̂ghè tsà ndò se ghənə nə ze nyi səmɔʼ. Təm ə saʼa ghənə̂ghè tyə̀ ndò nə ghɛ zɛ ə ghənə nə̂ nyi eghɛ echûŋzè kɨ̀sə ze pize.

1 Kɔlìŋ 1:20

Wùə ètɔfə se vâyn zə? Tyə̀ynsè èsaʼ vâyn? Nâʼà wùə vɛ ə è ke se wàmnè ə əghɛ ə mbi ghɨnə ghe nâʼà àchuŋ vàyn zə? Pîə Zhə̀fè ə nə̀yn tɔf eghaʼâ ə ghɨ mbi zɛ ze kɛse sè nyi ke ango ə?

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.