Ŋwàʼlè ə̀ Pɔ̂l sê ghɨə Lûmghè 1:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 1:18 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:19

Zhə̀fè ə chwìtè nyɔʼsè etɔŋ ə Vəyn se ghənə kûmə̀ nə ghənə nyiə tɔʼ ke ə̀ghɛ ə̀kɨ̂m ghɛ ə ghɨə kyi sə̂ ke kûmə̀ Fèzhə̀, kə Zhə̀fè è ngɨŋə̂ vəyn nyi mə È və tyə̀yn se ghənə.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ŋwàʼlè ə̀ Pɔ̂l sê ghɨə Lûmghè 1:32

Ghənə ke ndô nə lâŋ ə Fezhə̀kè nyîə pîə nə ghɨ ghɛ ghe ndamə famə endom kyi se kwu. Pîza ghənə paʼà faŋ ke sə̂ nə̂ ə̀ghɛ nə ghɨ̀yn, pîza pɨlə tɔ̂ʼɔ̀ kəpî ə̀ghɨ ghɛ ə nə̂ ghɛ ətəynghe.

Ŋwàʼlè ə̀ Pɔ̂l sê ghɨə Lûmghè 2:3

Ə wùə se ghàyn tənə saʼ sê ghɨə mɔ̀ʼɔghe, pa nə̂ kəpi ə̀kyì əghɛ nə ghɛ mə, è kwàʼtə̀ nə è kàʼa è tə tə fɨ èsaʼ ə Fezhə̀zè ə?

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ŋwàʼlè ə̀ Pɔ̂l sê ghɨə Lûmghè 5:6

Shîŋə̀ kɛ ghâsènì tè kyi pîva tyaʼâ femɔ̀ʼ se tsàmtə sengɨŋ sə ghasènìse, Klâys tè kwu ə ghâsènì ghɨ pighe elùʼ ashìŋə̀ kɛ ə Zhə̀fè tè ndəm.

Ŋwàʼlè ə̀ Pɔ̂l sê ghɨə Lûmghè 5:9

Ghâsènì nyi achûŋ ghasènìə ghə̀ Zhə̀fè kûmə̀ m̀ndəm mə Njisə̀s mɛ ə m̀ tè sɨ̀sə ə ghâsènì elùʼ. Ə ndəm mɛ ə m̀ tè sɨ̀sə ə ghâsènì elùʼ ndəm ghâsènì achûŋ ə Zhə̀fè əshi, piə zɨnə mə chwîtə̀ sê ghâsènì nə Klâys tə sɔzâ ndò ghâsènì ə Zhə̀fè enyɔ̀ʼsè etɔŋve ə È tsɨ tsɛ piə?

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

Kòlosè 3:6

Zhə̀fè tə pɔynsə̂ əghɨ ə̀kɨ̂m ghɛ ə ghe nə̂ kyì əghɛ nə ghɨ̂yn. Kyì əghɛ nə ghɨ̂yn nyîə nə̂ Zhə̀fè e nyɔʼsə̀ ètɔŋ, mə è tə pɔynsə̂ ghənə ghɛ ə nə̂ ghəynghe.

2 Tèsàlonikà 2:10

È tə fɨaʼà nâʼàpî endom epi èkwə̀ se lesê əghɨ ghɛ ə ghe njisə̀ ndûə. Ghənə tə njisə̀ kûmə̀ nə ghənə ə tə tə se kɔ̀ŋə səmɔʼ, kə è sɔza ghənə.

2 Tèsàlonikà 2:6

Pîza ghɛze nyîə nyi ə ze kyiə faŋsə vəyn nə kə è pəyn zôyn, ghàyn e ke èghɛ ətəynze, ə shîŋə̀ kɛ ə Zhə̀fè ndə̀m nə è kyi se pə̀yn ətəyn kwəyn, ə è pfɨ̀ŋə̀ pəyn.