Ŋwàʼlè ə̀ Pɔ̂l sê ghɨə Lûmghè 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 1:16 ပူးပေါင်းရင်းမြစ်များ

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Tom èchùŋ kè kə Lûk tè nyaʼ 9:26

Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Njɔyn 7:35

Ghɨ Njûs eghaʼâ e sè pîə se ngɨŋ sə ghənə̂sè nə, “È kyiŋə se ndù nâʼà ghayn nə ghâsènì nə̂ tàʼa fɨnə fe və ə? È kyiŋə se ndù endaʼ ə ghɨ ə Nglêk zɛ ə ghɨ ghasènìghe ndamə ətəyn se zaʼlê ə ghɨə Nglekghè mə?

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ŋwàʼlè ə̀ Pɔ̂l sê ghɨə Lûmghè 10:17

E za tyə̀nə̀ nə, pomə̂zè pə̀ ashìŋə̀ kɛ ə wùə zɨ tom ə̀ Fèzhə̀, mə ghɨghe kyi se ndàʼà tom èchùŋ ə̀ Klâys kə ghɨ pomə sê vəyn.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

Ŋwàʼlè ə̀ Pɔ̂l sê ghɨə Lûmghè 15:29

Shîŋə̀ kɛ ə m pə̂yn sê ghàyn, m ke ndô nə m tə pə̂ è kàyntè èpɔsê ə Klâyszè.

Ŋwàʼlè ə̀ Pɔ̂l sê ghɨə Lûmghè 2:9

Pîza se ghɨ ghɛ ə ghe nə̂ chùŋ, Zhə̀fè tə fo ghənə è pɔmsêzè, è kɔʼsêzè, è pɔ̂ynè mə È zhə̀te pə̂yn eghɨ Njûsghè sə shi se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

1 Kɔlìŋ 2:2

Kûmə̀ nə m tè nyi mə mə ndə̀m nə m nə keva ghɛ zhîze kə m tè nyi ə ghàyn əfètəyn, ə̀ tsɛ̂ kə va sə̂ wâmnə̀ kûmə̀ Njisə̀s Klâys, nâʼà èkwu ə vəynze awâmnè.

1 Kɔlìŋ 2:4

M tè zaʼlə chîəva fɨnə ndaʼà tom è chùŋ è tɔf eghaʼâzè, e kɨsè wâmnè echûŋzè mə ze ndo sê wùə m̀sɔ̀ŋ, pîza m ndaʼà tom, tyə̂nə̀ mə m məʼnə̂ chîə va ndô nə Zuʼsə Fezhə̀sè nyîə fɨaʼà è tyaʼke.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

2 Kolìŋ 2:12

Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

1 Pità 4:16

Pîza, ə wùə sê ghàyn fe ngəʼ kûmə̀ nə è chùmtə Klâys, kə è ghomə, ə è və pɨlə kɔʼsə̂ Fèzhə̀ kûmə̀ nə è pomə̂ ə ezə ə Klâyszè.