Ŋwàʼlè ə̀ Pɔ̂l sê ghɨə Lûmghè 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Fɨ̂aʼ zɛ m kyi se nə̀yn nyi nə m ndaʼa tom èchùŋ se ghɨghe əkɨ̂m, kɨ̀sə ə nyi əghɨ endaʼa, kɨ̀sə ə̀ nyi əghɨ mbvɨynghe. M kyi se ndàʼa tom ə̀təyn sê ghɨ ghɛ ə ghe kyi tɔfze, è kɨsè se ghɨ ghɛ ə ghe kiva.

Ŋwàʼlè ə̀ Pɔ̂l sê ghɨə Lûmghè 1:14 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Ətefɨ̂aʼ 22:21

Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”

Ətefɨ̂aʼ 28:2

Ghɨ endaʼ ətəyn ghɛ ə ghàs tè kote ə tsâmtə̀ ghàs. Gholze ə zhə̀tə̀ se tso, fofke e kwɨlə ghàs, nyiəmə, ghənə ə fɛtə̂ èwus nə ghàs zɨte, nə̀ pə̀yn achûŋ sê ghàs.

Ətefɨ̂aʼ 28:4

Kə ghɨ endaʼ nə ghɛ tè fe zhò ə̀təyn e ghaŋnə̂ ə Pɔ̂l agho, kyì e pîə se kyì nə, “Wùə vɨ̀nə nyîə zhwiə ə̀ghɨ. È və tə fɨ ke nâʼà ə tsô mə è paʼà kwu, pîza tsôsvè nə̀ za va vəyn nə è ndam.”

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 1:22

Ghənə kwâʼtə̀ kə nə ə tɔfə ndò pîza nyi engô.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 13:8

Kə wùə vîvè tə kyî wùə è ndàŋkè. Ndàŋ kɛ ə ghàyn nâʼà ə ghàyn ə fètəyn kyi sə kyi nyi nə, ghàyn e kɔ̂ŋə̀ sèngɨŋ saynse, kûmə̀ nə nâʼàpî ndè vɛ ə è kɔ̀ŋə̀ ghɨ mɔ̀ʼɔghe, ze tyə̂ nə è və ndə̀m lwɔ̂ŋvè ekɨ̂m.

Ŋwàʼlè ə̀ Pɔ̂l sê ghɨə Lûmghè 16:19

Ghɨ ghəkɨ̂m ə zɨ ndom vɛ ə ghàyn nyiəmə ə tyə̂m ətəyn se zɨ eghɛ ə Fezhə̀zè, zɨnə mə e nə̂ nə mə saŋnə̂. M kyiŋə nə ghàyn ə tɔfə sə nə̂ ə̀ghɛ ə chûŋghè, kiva ghɛze se nə̀yn è pi.

Ŋwàʼlè ə̀ Pɔ̂l sê ghɨə Lûmghè 8:12

E za tyə̀nə̀ ə ghɔnyìə ghɨmə nə, ghɛze nyîə nyi mə ghâsènì kyi se nə̀yn, ə̀ vachi se ndam kə njà ewìyn ə ghâsènì kyiŋə.

1 Kɔlìŋ 14:11

Pîza ə m zɨə ke va wâmnè zɛ ə wamnə̀, ə ghɨ ghɛ ə wamnə̀ zəynze ə nyi ə̀ghɨ ətumə sê mi, m pɔŋ nyi kepî wùə àtum se ghənə.

1 Kɔlìŋ 14:16

Shîŋə̀ kɛ ə ò fo zɔ̀ŋnèkè sê Zhə̀fè mə ò fo kə ə sezuʼ, ə ghɨ ghɛ ə ghe nyi fumə atsɨ̀ynte mə ghe zɨə kêva kwi zayn se pì nə, “Ə zə nyi ke zamə” sê zɔ̀ŋnè kɛ ə ò fo etsə̀m ə? Ghənə kiva ndom se kê eghɛ zɛ ə ò pìə.

1 Kɔlìŋ 2:13

E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

2 Kolìŋ 10:12

Ghàs pìə va nə ghàs nyi anɔ̀yn ə ghɨ ghɛ ə ghe wàmnə̀ ghɛ ə chûŋghè kûmə̀ sèngɨŋ sə ghənə̂sè. Ghàs pìə nə, ghənə ə ndə̀m fɨ̀aʼnèkè sə̂ fɨaʼnə̀ sengɨŋ sə ghənə̂sè ətəyn. Ghənə nə̂ ə̀ghɛ ghe kyi va tɔfze.

2 Kolìŋ 11:19

Ghàyn njìə sèngɨŋ saynse kə ghɨ ghɛ ə ghe kyi tsɛsè ètɔf, ə̀ za nyi eghɛ zɛ ə ghàyn nyi è saŋnêzè sə̂ zâ èngo nə və nyi!

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.