Ŋwàʼlè ə̀ Pɔ̂l sê ghɨə Lûmghè 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 1:13 ပူးပေါင်းရင်းမြစ်များ

Njɔyn 12:24

M pîə sê ghàyn səmɔʼ nə, ə tàʼa zho eshi ə ngwàʼ ə̀ sɔ̀f zə chi nə ze kwu, ə ze faŋ ke sə ngwàʼ. Pîza, mə ə zho, ə ze kwu tsɔ̀fə kə e mu shiə sɔ̀f ə tsɨəghe.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 4:36

Zôyn ə ndaʼà ndò wùə vɛ ə è kwìə fɨazhiə ətəynve, è zûŋtə̀ èfɨazhiə təynve sê ndam zɛ ə ze tə mîə va. Kə wùə vɛ ə è zho è vɛ ə è kwìə fɨazhiə ətəyn tə pə̂ ə tsɨyntə̀ saŋnə̂.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 19:21

Ə tè nyi kə ghɛ nə ghɨnə kyàyn kɔʼ pə̂yn, Zuʼ se Ŋwaʼase ə nə̀, Pɔ̂l ə ndə̀mə̀ nə zhi ndùə apàs endaʼ kɛ ə tè tɔŋtə nə Màsèndonyà ə fɨnə tsɛ̂ ndùə apàs ə Àkayà ə ndùə tânə̀ ə Njèlusalɛ̀m. È və tə ndə̀m nə zhi ndamtə fu ə zhi tsɛ ndu ə Lûm.

Ətefɨ̂aʼ 21:19

Pɔ̂l ə tɔŋtə̂ ghənə ə tsà nâʼà ə̀ghɛ ə̀kɨ̂m kə Zhə̀fè nə̀yn sê ghɨ ghɛ ə̀ vachi ə̀ghɨ ə Njûsghè tɔynə̂ ə vəyn efɨ̀aʼ.

Ətefɨ̂aʼ 28:14

Kə ghàs nji ndû fumə ə kotə ə̀ghɨə pomə fu, ghənə ə chyatə̂ nə ghâsè ghə̀ ghənə ndamte sə ngâm, ghàs ə ke tsɛ ndù ə Lûm.

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 7:1

Ghɔnyì ghɨmə, ghàyn nyiə ke kûmə̀ èlwɔ̂ŋ. Ghàyn ghɛ ke nə ghɨghe nyi ke etyə̂ àlâŋ shîŋə̀ kɛ ə ghənə pa nyi ètwɔzə?

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

1 Kɔlìŋ 10:1

Ghɔnyì ghɨmə m kyiŋə nə ghàyn fɨyn pyə̂ytè èghɛ zɛ ə ze tè kyàyn sê pɨ̀a ə ghâsènì ghɛ ə ghe tè chùmtə Mosîs. Ghənə əkɨ̂m tè nyi mə ə̀ tsɨ̀ŋnə̀ sèmbàʼ ghənə, ghənə əkɨ̂m ə tsɛ̀ tɔynə̂ àchûŋ ə enjwì ə fengwaŋve.

1 Kɔlìŋ 12:1

Zôyn, kûmə̀ ə̀ghɛ ghɛ ə ghàyn tè nyâʼ kûmə̀ tèfo tɛ ə Zuʼse Ŋwaʼase fo, soyn sɨmse m kyiŋə nə ghàyn ke səmɔʼ kûmə̀ ə̀ghɛ ətəynghe.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂

1 Kɔlìŋ 9:2

Ə m va pî wùətom se ghɨə mɔ̀ʼɔghe, m mə ke nə m nyi ndô sê ghàyn kûmə̀ èndom vɛ ə ghàyn nyi ətəyn sə eghɛ èmɔ̀ʼ ghâyn ghə̀ Pɛ̂pɛ. Zɨnə mə chwîtə̀ nə m nyi wùətom.

2 Kolìŋ 1:8

Ghàs kyiŋə se pɨ̀əytè ə ghàyn ə soyn sasse ə tetsòs tɛ ə ghàs tè kyi apàs endaʼa Esiyàkè. Kyə̀yn kɛ ə ke tè nyì ə ghàs ə tu tè ghaʼa kə nyi fɨnə tɨ̂lə̀ endom mə ghàs ə njìsè pi kwâʼtèzè sə̂ fɨnə ndamə.

2 Kolìŋ 2:14

Pîza, zɔ̀ŋnèkè nyi sê Zhə̀fè kə è zàŋsə̀ kwìə ndùə è ghâsènì è tyale tɔynə̂ ə Klâys se tyə̀yn nə ghâsènì ə tɨm zhi, tɔynə̂ ə ghàs, tom ə̀təyn e waŋə ndûə kə luʼ tekɨ̂m, ghɨ ghe kê Vəyn.

Ngàleshyà 3:15

Ghɔnyì ghɨmə, m nə̀ səynə̂ tyâŋsə̀ èghɛ zɨ̀yn se ghɛ zɛ ə ze kyâynə̀ kə tuʼmè m̀kɨ̂m: Ə ghɨghe ə pɛ̀ pomə ghɛze, ə nyàʼà ə ŋwàʼlè, wùə fɨyn va se chɔʼnê, kɨ̀sə se kwəynsê eghɛ ətəyn.

Ngàleshyà 6:18

Ə fùʼə Pɛ̂pɛ ə ghasènìke Njisə̀s Klâys ə nyi sê ghàyn əkɨ̂m ə ghɔnyì ghɨmə. Ə zə nyi ke zamə.

Filìpây 1:22

Ze ə ke kwəyn nə m faŋ sə̂ ndamə fa achaʼ ewìynke, ə m kyi ndom se tɔ̀ʼɔ̀ nə̀yn efɨ̂aʼ echûŋzè. M ke pîva nə ə̀ tsɔ̀fə̀ zɨ̂yn sê Mìə, ekwu, mə sə̂ ndamə.

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

1 Tèsàlonikà 2:18

Ghàs tè nyîə kyiŋə se kɛsə pə fe ghàyn, nâʼà mi è ngɨŋ zɨ̂mzè ə mɔ̀msə̀ se zaʼâ shîŋə̀ tepɛ̀ pîza, Satàyn ə tàʼa za nə ghàs pəyn.

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

2 Tèsàlonikà 2:7

Kè nâʼà zôyn satàyn nyîə ndə̂tə̀ fɨaʼà etyə̂ àlɨm se nə̀yn nə ghɨghe ə kwiynsə̂ alâŋ ə Fezhə̀kè. Pîza wùə vɛ ə è tàmə̀ nə kə ghɨghe ə wâmnə ghɛ ə kwuəynə kûmə̀ Fèzhə̀, nə pa nə̂ kə za se zaʼâ ashìŋə̀ kɛ kə Zhə̀fè njì tsɨsè vəyn endom.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.