Ŋwàʼlè ə̀ Pɔ̂l sê ghɨə Lûmghè 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

Ŋwàʼlè ə̀ Pɔ̂l sê ghɨə Lûmghè 1:12 ပူးပေါင်းရင်းမြစ်များ

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 1:11

M tsə̂mə̀ nyiəmə kûmə̀ nə m nyîə kɔŋə̀ nâʼà àchûŋ se pə̂ mòtè ə ghàyn, kə m kaʼa m tsamte ghàyn è pɔsê zɛ ə Zuʼse Ŋwaʼase nyiə fo sê mi.

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 15:24

M kwaʼtə̀ se nə̂ zɛ mə zôyn. M nə̀ nə̂ m mə kɔ̂ŋə̀ se fe ghàyn ezhoghɛ ə m ndûə endaʼ ə Sɨ̀pênzè, ə ghàyn tsamte mi kə m ndu fu. Pîza m tə môtə̀ ghâsènì sə fendîŋə̀ fə ashìŋə̀fè kə ghâsènì zɨne təm ə ghasènìghe.

Ŋwàʼlè ə̀ Pɔ̂l sê ghɨə Lûmghè 15:32

Kə nyi ekɔ̂ŋ ə Fezhə̀zè, m tə kɛsê pəyn se ghàyn è saŋnêzè, se mòtè ə ghàyn kə m kaʼa m zɨte kə ghâsènì nyi əmɔʼ.

2 Kolìŋ 7:13

Ghɛ nə ghɨnə ə nə̀yn ghàs e kyi èfɨəmtê. Ghàs tè nyîə saŋnə̂ nâʼà sə ŋaŋ se fe kə Taytùs saŋnə̂ kûmə̀ èndom vɛ ə ghàyn tè tɔ̀ʼnə è vəyn.

Ɛfesùs 4:5

Ghâsènì kyi ke Pɛ̂pɛ emɔ̀ʼ, kyî epomə̂zè emɔ̀ʼ, fiə m̀mo kè atu eghɛ èmɔ̀ʼ.

2 Timotì 1:4

M kwàʼtə̀ kə ò tè chîə, m kɔ̂ŋə̀ se fe gho nâʼà sə ŋaŋ kə ze nəyn ə mə nyi mə mə lwiyn è saŋnêzè.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.