Ŋwàʼlè ə̀ Pɔ̂l sê ghɨə Lûmghè 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 1:1 ပူးပေါင်းရင်းမြစ်များ

Ŋwàʼlè ə̀ Mâk 1:14

Ə tè nyi ə shɨŋ nə zɛ mə ə fâ Njɔyn ə ndɛ ə̀ chaʼ. Njisə̀s ə kɛsə̂ njiə ndûə apàs endaʼ ə Ngalìlîkè, ndàʼà tom èchùŋ ə Fezhə̀,

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Ətefɨ̂aʼ 13:9

Zuʼ se Ŋwaʼase ə chisə Sɔ̂l vɛ ə zə vəynze tè nyi kepî Pɔ̂l, è və lotə̂ tɨmə naynə̂ ndûə wùfɨyntə ə̀təyn ə və shi,

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:40

Tuə sesôkə̀ʼ ətəynke ə fo vəyn èndomve, Pɔ̂l ə tyəmə̂ ə sembaŋə fumə ə ndɛ, ə nə̀ʼsə̀ àgho nə ghɨ kɨm tso mɔŋ. Ə pə̀ kə ghənə kɨme, Pɔ̂l ə wàmnə̀ se ghənə ewàmnè ə Ipilòzè ə pìə nə:

Ətefɨ̂aʼ 22:21

Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”

Ətefɨ̂aʼ 22:7

Mə pfɨ̀ ə chi ə zɨə kə kyə̀ pì sê mi nə, ‹Sɔ̂l, Sɔ̂l, ò tsə̀fsə̀ Mi kûmə̀ ghè?›

Ətefɨ̂aʼ 26:1

Àngɨ̀lipà ə pìə sê Pɔ̂l nə, “Ə fo zhəmke nə ò wàmne ghɛze kûmə̀ ngɨŋ zɛ.” Pɔ̂l ə kyî kɔʼsə̂ kɔʼɔ àgho ekwùtwəyn ə zhə̀tə̀ se saʼ.

Ətefɨ̂aʼ 26:14

Ə pə̀ kə ghàs pfɨ̀ə əchi ə̀kɨ̂m, mə zɨə kə kyə̀ pì sê mi ewàmnè ə Ipilòzè nə, ‹Sɔ̂l, Sɔ̂l, ò tsə̀fsə̀ mi nyiə kûmə̀ ghè? Ò fɨmsə̂ mi kə vayn vɛ ə è ndomə gho kɛ ə ke tè pfɨte vəyn.›

Ətefɨ̂aʼ 27:23

M piə nyi kûmə̀ nə ə̀ va nyi ètuʼve ndâyn, tsì ə̀ Fèzhə̀ Fɛ ə Fe kyi mi, m ngɨmnə̂ Fəynfe ə vâ pə̀yn sê mi.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 11:13

Ghɛ zɛ m kyiŋə se pì zôyn nyì se ghàyn ghɨ ghɛ ə̀ vachi ə̀ghɨ ə Njûsghè. M nyi wùətom se ghɨ ghɛ ə̀ vachi ə̀ghɨ Njûsghè, nyiəmə ndə̂mə̀ àtu ə mì efɨaʼ nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 15:29

Shîŋə̀ kɛ ə m pə̂yn sê ghàyn, m ke ndô nə m tə pə̂ è kàyntè èpɔsê ə Klâyszè.

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

1 Kɔlìŋ 1:1

Ə nyaʼ mi Pɔ̂l ŋwàʼlè zɨ̀yn. Ə̀ tɔŋə Fezhə̀ mi nə mə nyi wùətom ə̀ Klâys Njisə̀s. M nyâʼà ŋwàʼlè zɨ̀yn ghasè ànyìə ghâsènì Sòstinìs.

1 Kɔlìŋ 9:1

M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 11:5

Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

2 Kolìŋ 11:7

E za nyi nə se tsosə ngɨŋ zɨ̂mzè əchi, endom se njìə kɔʼsə ghàyn, kə m ndaʼà tom èchùŋ ə̀ Fèzhə̀ se ghàyn mə m pfɨfə va fɨake se ghàyn nyi pi mə?

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 2:12

Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 2:11

ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

Kòlosè 1:1

Ə̀ mi Pɔ̂l, ə wùə èmɔ̀ʼ ə fètə̂ ə̀ghɨ̀tom ə Njisə̀s Klâysghè, kə Zhə̀fè pɨaʼte, ə nyi mi vɛ ə m nyâʼà ŋwàʼlè zɨ̀nə̀ sê ghàyn. Ə mi è Timotì ànyì ə̀ ghâsènì ə Klâys tomə ètɔŋtê se ghàyn.

Kòlosè 1:25

Ə̀ nəyn Fezhə̀ nə mə nyi wùə èfɨaʼa sê ghɨ ghɛ ə ghe pomə se Klâys. È və tom mi nə m tɔʼ ndaʼà tom nə zɨnə mə se ghàyn achûŋ.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

1 Tèsàlonikà 2:8

Kûmə̀ èkɔ̂ŋ zɛ ə ghàs tè kyi se ghàyn, ghàs tè nyi èpɨaʼtêzè se ndàʼa tom èchùŋ sê ghàyn mə è ndò pə̂yn se Zhə̀fè, nyi kepî èpɨaʼtêzè se kwu kûmə̀ ghàyn. Ghàs tè nyîə kɔ̂ŋə̀ ghàyn nâʼà sə ŋaŋ!

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Ipilù 5:4

Ghɛ mɔ̀ʼɔze fɨyn nyi kepî nə wùə vayn kàʼa è chɔʼ ngɨŋ ə vəyn sə nyi wùə èkɔʼsə nə èshyə̀ èngaŋtə kwəynə fɨyn kyi m̀kɔʼnè mɛ ə wùə èkɔʼsə nə̂ èshyə̀ engaŋtə kwəynə kyi sə̂ kyi. Ə̀ vəyn chɔʼɔ kə Fèzhə̀ kè eghɨ kə fe tè chɔʼ Ɛlɔ̀t.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.

Etyə̂yn ə paynsêzè 22:6

Tsì ə̀təyn ə ke pì sê mi nə, “Ghɛ ghɨ̀nə̀ nyì səmɔʼ, nyi kə samse ghəynghe. Pɛ̂pɛ Zhə̀ fɛ ə fe fo Zuʼsə vəynse sê fɨ̀aʼtèsè, ə tom tsì ə̀ vəyn nə è tyəyn sê ghɨə vəynghe fɨaʼa ghe ghɛ zɛ ə ze kyi se kwùʼə kyàyn.”

Etyə̂yn ə paynsêzè 22:9

Pîza è zə pìə sê mi nə, “Kə ò mɔm! M nyi kepî wùə efɨaʼa kə ghò, è ghɔnɛghè mə za nyi sefɨ̀aʼtè, è ghɨghe əkɨ̂m ghɛ ə tè ndə̀mə ghɛ zɛ ə ze nyi fâ ŋwàʼlè, pɨ̀le ngɨmne Zhə̀fè.”