Njût 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.

Njût 1:7 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 11:24

M piə sê ghàyn nə, ə tə nə̂ ə nyi etuʼ esaʼ ə Fezhə̀vè, ə Zhə̀fè chwite kosê esəyn tsɨze sê ghɨə Sondòmə̀ tsɛ̂ kə fe kaʼa Fe chwite sê ghàyn.”

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Tom èchùŋ kè kə Lûk tè nyaʼ 17:29

Ə tè nyi etuʼ vɛ kə Lôt fɨ ə Sondòm, Zhə̀fè ə fɨsə̂ tsosə̂ èwus ə ekwùtwəyn è chîə, ve fɨə kə mkâyn, ə zhwi tə̂ ə̀ ghɨ ghɛ ə Lôt tè ndò za, nâʼà ə̀kɨ̂m.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

2 Tèsàlonikà 1:7

Fe tə nə̂, ə ghàyn ghɛ ə ghàyn fe tsôsvè zôyn ə kyi zɨ̂tèkè, ə ghàs kyî kəpî. Zhə̀fè tə nə̂ èghɛ nə zɨ̂nə̀ ashìŋə̀ kɛ Pɛ̂pɛ Njisə̀s chwìtè ngɨŋə̂ vəyn, tso pə̂ ekwùtwəyn yî tsì sə vəyn sə atyaʼse.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

2 Pità 2:2

Ə ghɨə tsɨəghe ə chûmtə̀ èzaʼlê ə ghənə̂ ze nyələze, kûmə̀ zɨnə mə, ə ghɨə mɔ̀ʼɔghe ə wâmnə̀ èwâmnè epize kûmə̀ Èndom ə Səmɔʼve.

2 Pità 2:6

Zhə̀fè ə tə pofsê tɔ̂ŋ èghaʼâ ə̀ Sondòm è zə Ngòmolà è wusve. Zɨnə mə tè nyì se tyə̀yn eghɛ zɛ ə ze tə kyânə̀ sê ghɨ ghɛ ə ghənə ke va Zhə̀fè.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.