Njût 1:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Njût 1:21 ပူးပေါင်းရင်းမြစ်များ

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 14:21

Ghɨ ghɛ ə pomə lwɔ̂ŋ vɨmve ndə̂mə̀ vəynve, ə ə̀ nyi ghɛ ə kɔ̀ŋə̀ Mi. Pɨ̀a vɨm tə kɔ̂ŋɔ̀ ə̀ghɨ ghɛ ə ghe kɔ̂ŋɔ̀ Mi, M mə pɔŋɔ kɔ̂ŋɔ̀ ghənə ə M tyəyn paynsê ngɨŋ zɨ̂mzè sê ghənə.”

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 5:5

Ə ghâsènì kyi kwâʼtèzè, ə ghâsènì tə tàʼa fɨ è gho zomghe kûmə̀ nə Zhə̀fè ə tyə̀yn se ghâsènì kə Fe tɔ̂ʼɔ̀ kɔŋə̀ ghâsènì, kə È nə̀yn kɔ̂ŋ ə Vəyn zɛ ze nji ə ghâsènì əfètə̂ təm. È nəyn zɨnə mə kə È fo Zuʼse Ŋwaʼa vəynse sê ghâsènì.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:39

Kɨ̀sə ə̀ nyi atyaʼ ə mbi kɛ ə ke nyi ekwùtwəyn, kɨ̀sə ə̀ nyi kɛ ə ke nyi ə chi, fɨa kyîke va əfètə̂ èfɨa vɛ ə Zhə̀fè nyi mə Fe ə pom kɛ ə ke kaʼa ə ke chyase ghâsènì ətê èkɔ̀ŋ zɛ ə Zhə̀fè kyi sê ghâsènì tɔynə̂ sê Njisə̀s Klâys Pɛ̂pɛ ə̀ ghâsènì.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Tèsàlonikà 3:5

Ghàs tsə̂mə̀ nə Pɛ̂pɛ nəyn ə ghàyn fe ndom vɛ ə Zhə̀fè kɔ̀ŋə̀ ghàyn, è kɨsè ndom vɛ ə ghàyn kyi sə̂ kolə ə̀təm ətəyn, kè endom vɛ ə Klâys tè kol.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

1 Njɔyn 5:18

Ghâsènì ke ndô nə ghɔ Fezhə̀ vayn kàʼa ə nə̂ ndùə kə pi, kûmə̀ nə Va Fèzhə̀ tɔ̀ʼnə̀ ndò è ghənə, mə wùə èpi vayn kàʼa è nəyn ghɛ epi zhîze sê ghənə.

1 Njɔyn 5:21

Kə ghàyn tə twɔm kyî èghɛ zhîze se nə̀yn ghâyn ghə̂ zhə̀tè mə̂ àkaŋàm ə ghɔyn ghɨmə.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

Njût 1:22

Ghàyn tyəyn səyn ekoze se ghɨ ghɛ ə ghənə ke va nə ə kaʼa pomə mə tàʼa pomə̂.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.